बृहदारण्यक (उपनिषद्)
बृहदारण्यक (उपनिषद्) छगू काव्य ख। थ्व काव्य मुक्तिक उपनिषद्या अन्तर्गतय् उपनिषद् दुने ला [१]। थ्व श्रुति प्रचलनया छगू महत्त्वपूर्ण धार्मिक ग्रन्थ ख।
थ्व उपनिषद दथुइ दकलय् तःधं व मू झिपु उपनिषदतेगु पुचलय् दकलय् लिपांगु उपनिषद् ख। ब्रह्मा थ्व सम्प्रदाय परम्पराया प्रवर्तक ख।
थ्व छगू प्राचीन ग्रन्थ ख गुकिया रचना ७गू निसें ६गू ईपू दथुइ जूगु अनुमान दु। थुकिलि जीव, ब्रह्माण्ड व ब्रह्म (ईश्वर)या खँ कनातःगु दु। दार्शनिक रूपं महत्वपूर्ण थ्व उपनिषदय् आदि शंकराचार्यं नं टीका च्वःगु दु। थ्व शतपथ ब्राह्मण ग्रन्थया छगू खण्ड ख व थुकियात शतपथ ब्राह्मणतेगु पाठय् दुथ्याः।
यजुर्वेदया प्रसिद्ध पुरुष सूक्त नापं थ्व ग्रन्थय् अश्वमेध, असतो मा सद्गमय, नेति नेति थें विषय दु। थुकिलि ऋषि याज्ञवल्क्य व मैत्रेयीया खँल्हाबल्हा अत्यन्त क्रमबद्ध व युक्तिपूर्ण कथं बियातःगु दु।
थुकिया नां बृहदारण्यक (बृहद् + आरण्यक)या अर्थ 'बृहद ज्ञान दूगु' वा 'बृहद आरण्य (जंगल)य् च्वयातःगु' उपनिषद ख। थुकि तत्त्वज्ञान व तदुपयोगी कर्म तथा उपासनातेगु वर्णन दु।
बृहदारण्यक उपनिषद् अद्वैत वेदान्त व संन्यासनिष्ठाया प्रतिपादक ख।
नांजाःगु मन्त्र
[सम्पादन]पवमान मन्त्र
[सम्पादन]- ॐ असतो मा सद्गमय।
- तमसो मा ज्योतिर्गमय।
- मृत्योर्मामृतं गमय ॥
- ॐ शान्ति शान्ति शान्तिः ॥ – बृहदारण्यकोपनिषद् १.३.२८।
- अर्थ
- असत्यं जितः सत्य पाखे यंकादिसं।
- अन्धकारं जितः जः पाखे यंकादिसं।
- मृतं जितः अमृत पाखे यंकादिसं॥
लिधंसा
[सम्पादन]स्वयादिसँ
[सम्पादन]
| |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|