मादागास्कर

• Repoblikan'i Madagasikara
• République de Madagascar

गणतन्त्र मादागास्कर

ध्वांय Seal egg
म्ये: Ry Tanindrazanay malala ô! Oh, Beloved Land of our Ancestors!
Madagascarयागु नक्सा
राजधानी	Antananarivo 18°55′S 47°31′E
तधंगु सहर	Antananarivo
औपचारिक भाय	Malagasy French
सरकार	Semi-presidential republic
- President	Hery Rajaonarimampianina
- Prime Minister	Omer Beriziky
Independence	from France
- Date	26 June 1960
क्षेत्रफल
- फुकं	{{{area}}} किमि² (47th)
	({{{areami²}}} वर्ग माइल)
- लयागु प्रतिशत (%)	0.009%
जनसंख्या
- 2012 एस्टिमेटेड	22,005,222 (53rd)
- 1993 सेन्सस्	12,238,914
- जनघनत्व	{{{population_density}}}/किमि² (174th) ({{{population_densitymi²}}}/वर्ग माइल)
कुल ग्राहस्थ उत्पादन (पि पि पि)	2011 एस्टिमेट
- फुकं	$20.400 billion ({{{GDP_PPP_rank}}})
- प्रति छ्यं	$933 ({{{GDP_PPP_per_capita_rank}}})
मुद्रा	Malagasy ariary (MGA)
ई क्षेत्र	EAT (UTC+3)
- वर्खा (DST)	not observed (UTC+3)
इन्टरनेट TLD	.mg
कलिंग कोड	++261

मादागास्कर छगू अफ्रिकी देय् ख। थ्व देय्या आधिकारिक नां गणतन्त्र मादागास्कर ख। थ्व छगू टापु देय् ख गुकिलि मू मादागास्कर टापु व यक्व चिधंगु टापुत दु। महादेशीय अफ्रिकाया दक्षिणपूर्वी तटं लिक लाःगु थ्व देय् हलिंया प्यंगूगु दकलय् तःधंगु टापु ख। नापं, थ्व देय् अस्त्रेलिया धुंका निगुगु दकलय् तःधंगु टापु देय् व हलिमया ४६गु दकलय् तःधंगु देय् ख। थ्व देय्या राजधानी व दकलय् तःधंगु नगर एन्तनानारिभो ख।

सुपरकन्टिनेन्ट गोन्दवानाया प्रागैतिहासिक विभाजन धुंका मादागास्कर अफ्रिकां प्रारम्भिक जुरासिकया ईलय् करिब १८ कोटी दँ न्ह्यः बायावन। नापं, थ्व टापू करिब ९ कोटी दँ न्ह्यः भारतीय उपमहाद्वीपं अलग जुल। थुकिया लिच्वः कथं थनया आदिवासी वनस्पति व प्राणीत सापेक्षिक रुपं ब्यागलं विकास जुल। अतः, थ्व देसय् यक्व जैविक विविधता खनेदु। हलिंया १७ मेगाडाइभर्स देसय् थ्व छगू देय् ख, गुकिलि ९०% स्वया अप्व वन्यजन्तु स्थानीय दु। थ्व टापुइ उपोष्णकटिबंधीय निसें उष्णकटिबंधीय समुद्री जलवायु दु। मानवीय इतिहास स्वयेगु खःसा मादागास्करय् दकलय् न्हापां ईस्वीया न्हापांगु सहस्राब्दीया मध्यय् वा व स्वया न्ह्यः अस्ट्रोनेसियन मनुतेसं स्थायी रुपं बसोबास याःगु ख। थौंकन्हय्या इन्डोनेसियां ​​आउटरिगर पहःया नाउचां थन इपिं थ्यंगु ख। अनंलिं ईस्वीया न्यागूगु शताब्दीया आसपास पूर्वी अफ्रिकां मोजाम्बिक नहर पुलाः बान्तु जातितयेसं थन थ्यन। अनंलि, मेमेगु पुचःतेसं लिपा मादागास्करय् बसोबास यायेगु ज्यायात निरन्तरता बिल, गुकिलिं सकल जातितेसं मालागासी सांस्कृतिक जीवनय् स्थायी योगदान बिल। फलस्वरुप, मादागास्करया १८ स्वया अप्व राष्ट्रिय धलखय् दूगु जाति दु, गुकिलि दकलय् अप्व मनूल्या मध्य उच्चभूमिया मेरिना जातिया दु।

१८गु शताब्दीया अन्त तक्क मादागास्कर टापुइ थीथी सामाजिक राजनीतिक गठबन्धनं थीथी कथं थीथी थासय् शासन यानाच्वंगु ख। १९गु शताब्दीया सुरुइ निसें थ्व टापूया अप्व भागय् मेरिना कुलीनतेगु छझ्वः शासनं मादागास्कर राज्यया रुपय् एकीकृत शासन पलिस्था यात। थ्व राजतन्त्रयात सन् १८९७इ फ्रान्सं विलय यानाः क्वचायेकल। मादागास्करं सन् १९६०इ स्वतन्त्रता प्राप्त यात। थ्व धुंका थ्व देसय् प्यंगु मू संवैधानिक ई दतः गुकियात थीथी गणतन्त्र धाइ। सन् १९९२ निसें संवैधानिक लोकतन्त्रया रुपय् शासन जुल। २००९स मादागास्करय् तख्तापलट जुल व सन् २०१४ जनवरिइ संवैधानिक शासन पुनःस्थापना जूगुलिसें थुकिया प्यंगूगु व आःया गणतन्त्रपाखे ताःहाकःगु संक्रमण न्ह्यथन।

मादागास्कर संयुक्त राष्ट्र संघ, अफ्रिकी संघ, दक्षिणी अफ्रिकी विकास समुदाय (एसएडीसी), व अर्गनाइजेशन इन्टरनेशनल दे ला फ्रान्कोफोनीया दुजः ख। मालागासी व फ्रेन्च निगुलिं राज्यया सरकारी भाय् ख। क्रिश्चियन धर्म देय् या प्रधान धर्म जुसां थनया छगू महत्वपूर्ण अल्पसंख्यक मनुतेसं आः नं परम्परागत धर्मयात म्वाकातःगु दु। मादागास्करयात संयुक्त राष्ट्र संघं दकलय् म्हो विकसित देय्तेगु धलखय् तःगु दु। शिक्षा, उसाँय् व निजी उद्यमय् अप्व लगानी नापं इकोटुरिजम व बुंज्या थनया विकास रणनीतिया मू तत्त्व ख। सन् २०००या दशकया सुरुइ निसें यक्व आर्थिक वृद्धि जूसां आयया असमानता अप्वया वःगु दु, व अप्व जनसंख्याया जीवनया गुणस्तर म्हो जुयाच्वंगु दु। सन् २०२१ तकया दुने ६८.४ प्रतिशत जनसंख्यायात बहुआयामिक रुपं गरिब दु।