सेनेगल
[[Image:AMH-8133-KB Floor plan of the fort on Goeree.jpg|thumb|left|The Portuguese Empire [[Image:Marchands d'esclaves de Gorée-Jacques Grasset de Saint-Sauveur mg 8526.jpg|thumb|upright|French and local slave traders in Gorée
सेनेगल (आधिकारिक रुपय् गणतन्त्र सेनेगल) पश्चिम अफ्रिकाया दकलय् पश्चिमी देय् ख, थ्व देय् एटलान्टिक महासागरया तटय् ला। थ्व देय्या उत्तरय् मौरिटानिया, पूर्वय् माली, दक्षिणपूर्वय् गिनी व दक्षिण पश्चिमय् गिनी-बिसाउ ला। सेनेगलं गाम्बियायात थ्यंमथ्यं घेरेयाःगु दु। गाम्बिया देय् गाम्बिया खुसिया सिथय् च्वंगु छगू चिब्यागु भूभागय् यानातःगु दु, गुकिलिं सेनेगलया दक्षिणी क्षेत्र कासामान्सयात देय् या मेमेगु थासं अलग याइ। केप भर्दे नाप सेनेगलया समुद्री सीमा स्वा। सेनेगलया राजधानी डाकार ख।
सेनेगल पुलांगु हलिंया मू भूमि वा अफ्रो-युरेसियाया दकलय् पश्चिमी देय् ख। थ्व देय्या नां सेनेगल खुसिया कारणं जूगु ख, गुकिया पूर्व व उत्तरय् थ्व खुसिया सीमा ला। थन मौसम सामान्यतया साहेलियन जुसां छगू वा वइगु छगू मौसम नं दु। सेनेगलया भूभाग करिब १९७,००० वर्ग किलोमिटर (७६,००० वर्ग माइल) दु व थनया जनसंख्या करिब १ कोटी ८० लखः दु। थ्व राज्य छगू राष्ट्रपतीय गणतन्त्र ख; सन् १९६०इ थ्व देय् या पलिस्था जूगु इलंनिसें थ्व देय् यात अफ्रिकी महाद्वीपया दकलय् स्थिर देय् मध्ये छगूया रुपय् मान्यता बियातःगु दु। सन् २०२४या भि-डेम (V-Dem) डेमोक्रेसी इन्डेक्सय् सेनेगल हलिमय् चुनावी लोकतन्त्रय् ६८गु व अफ्रिकाय् चुनावी लोकतन्त्रय् १०गु थासय् ला।
फ्रान्सेली औपनिवेशिक शासनं फ्रान्सेली पश्चिम अफ्रिकाया स्वतन्त्रताया छगू भागया रुपय् थ्व राज्यया पलिस्था जूगु ख। थ्व इतिहासया कारणं फ्रेन्च भाय् थनया सरकारी भाय् ख, तर थ्व भाय् अल्पसंख्यक मनुतेसं जक्क थु। सेनेगलय् ३० स्वयां अप्वः भाय् ल्हाइ। वोलोफ दकलय् अप्व ल्हाइगु भाय् ख, ८०% मनुतेसं थ्व भाय् मांभाय् वा निगूगु भाय्या रुपय् ल्हाइ, थ्व भाय् फ्रेन्चया नापं सेनेगलया लिंगुआ फ्रान्काया रुपय् ज्या याइ। मेमेगु अफ्रिकी देय् थें थ्व देय् नं जातीय व भाषिक समुदायया व्यापक मिश्रण दु, गुकिलि दकलय् अप्व वोलोफ, फुला व सेरेर मनुत दु। सेनेगलय् धार्मिक कथं मुस्मांत अप्व दु।
सेनेगलयात तसकं ऋणी गरिब देय् कथं वर्गीकृत याःगु दु, गुकिया मानव विकास सूचकांकय् अपेक्षाकृत म्हो थासय् दु (१९३ मध्ये १६९गु थासय्)। अप्व जनसंख्या तटय् च्वनि व बुँज्या वा मेमेगु खाद्य उद्योगय् ज्या याइ; मेमेगु मू उद्योगय् खानी, पर्यटन, व सेवा ला। सेनेगलय् प्राकृतिक श्रोतया ऐतिहासिक अभावं साक्षरता व शैक्षिक प्राप्ति अप्वयेकेगुपाखे कुतःयात पुनःनिर्देशित याःगु दु। सेनेगल अफ्रिकी संघ, संयुक्त राष्ट्र संघ, पश्चिम अफ्रिकी राज्यया आर्थिक समुदाय (इकोवास), अर्गनाइजेसन इन्टरनेशनल डे ला फ्रान्कोफोनी, अर्गनाइजेशन अफ इस्लामिक कोपरेशन, व साहेल–सहारा राज्यया समुदायया दुजः देय् ख।
व्युत्पति
[सम्पादन]
सेनेगल देय् या नां सेनेगल खुसिया नामं तःगु ख। थ्व खुसिया नां जेनागाया नांया पोर्चुगिज लिप्यन्तरणं वःगु जुइफु गुकियात संहाजा नं धाइ। [१] वैकल्पिक रुपय्, थ्व सेरेर धर्मय् मू द्यः ( Rog Sene ) व सेरेर भाषाय् लःया निकायया अर्थ o gal या संयोजन जुइफु। फ्रान्सेली च्वमि व पुजारी डेभिड बोइलातं थ्व सिद्धान्त न्ह्यब्वःयादीगु दु कि थ्व नां वोलोफ खँग्वः "सुनु गाल" नं वःगु ख, गुकिया अर्थ "झीगु लःखः" ख। [२]
स्वयादिसँ
[सम्पादन]लिधंसा
[सम्पादन]- ↑ Holloway, Beetle (31 May 2018). The Real Story Behind Senegal's Name.
- ↑ Holloway, Beetle (2018-05-31). The Real Story Behind Senegal's Name.