रुवान्दा

रुवान्दा वा रुवान्डा आधिकारिक रुपय् गणतन्त्र रुवान्डा पूर्वी अफ्रिकाया ग्रेट रिफ्ट स्वनिगलय् दूगु छगू भूपरिवेष्ठित देय् ख। थन अफ्रिकी ग्रेट लेक्स क्षेत्र व दक्षिणपूर्वी अफ्रिका छथासय् मुनि। भूमध्य रेखाया छुं डिग्री दक्षिणय् लाःगु रुवान्डाया सीमाय् युगान्डा, तान्जानिया, बुरुन्डी व लोकतान्त्रिक गणतन्त्र कङ्गो ला। तुलनात्मक रुपं तजाःगु उचाइ दूगु रुवान्डायात "द्वलंद्वः पहाडया भूमि" (फ्रान्सेली : pays des mille collines) नां बियातःगु दु। थनया भूगोलय् पश्चिमय् पहाड व दक्षिणपूर्वय् सभानाया प्रभुत्व दु, देय् न्यंकं यक्व पुखु दु। थ्व देय्‌या जलवायु समशीतोष्ण निसें उपोष्णकटिबंधीय ख, गुकिलि दँय् निगु वा वइगु मौसम व निगु सुख्खा मौसम दयेकी। थ्व देय् १०,००० वर्ग किमि स्वया तःधंगु मूभूमि अफ्रिकी देसय् दकलय् अप्व जनघनत्त्व दूगु देय् ख। थ्व देय् हलिमय् स्वंगुगु दकलय् अप्व जनघनत्व दूगु देय् ख। थुकिया राजधानी व दकलय् तःधंगु नगर किगाली ख।

राजनीति

रुवान्दाया राष्ट्राध्यक्षतेगु धलः