लिथुआनिया
| म्ये: Tautiška giesmė | |
 | |
| राजधानी | Vilnius |
| तधंगु सहर | Vilnius |
| औपचारिक भाय | Lithuanian |
| सरकार | संसदिय प्रजातन्त्र |
| - President | Dalia Grybauskaitė |
| - Prime Minister | Andrius Kubilius |
| Independence | from the Soviet Union |
| - Declared | February 16 1918 |
| - Declared | March 11 1990 |
| - Recognized | September 6 1991 |
| Accession to EU | May 1 2004 |
| क्षेत्रफल | |
| - फुकं | ६५,३०० किमि² (123rd) |
| (२५,२१२ वर्ग माइल) | |
| - लयागु प्रतिशत (%) | negligible |
| जनसंख्या | |
| - १९९६ एस्टिमेटेड | ३,३९२,००० (१३१औं) |
| - जनघनत्व | 53/किमि² (१४४औं) (१३७/वर्ग माइल) |
| कुल ग्राहस्थ उत्पादन (पि पि पि) | २००५ एस्टिमेट |
| - फुकं | $४९.४९ बिलियन (७५औं) |
| - प्रति छ्यं | $१४,१५८ (४९औं) |
| मुद्रा | Lithuanian litas (Lt) (LTL) |
| ई क्षेत्र | EET (UTC+2) |
| - वर्खा (DST) | EEST (UTC+3) |
| इन्टरनेट TLD | .lt1 |
| कलिंग कोड | +370 |
| 1Also .eu shared with other European Union member states. | |
लिथुआनिया युरोपया छगु देय् ख। थ्व देय्या उत्तरय् लातभिया, दक्षिणपूर्वय् बेलारुस, दक्षिणय् पोल्याण्ड व दक्षिण पश्चिमय् रुस ला। थ्व बाल्टिक राज्यय् छगू ख। थ्व देय् या क्षेत्रफल ६५,३०० वर्ग किमि दु व लिथुआनियाय् करिब २८ लख मनुत च्वनि। राष्ट्रिय भाषा लिथुआनियन भाषा ख, गुकियात करिब ३० लख मनुतेसं ल्हाइ। विल्नियस थ्व देय्या राजधानी व दक्ले तःधंगु नगर ख। लिथुआनिया युरोपेली संघ, नेटो व मेमेगु यक्व संगठनया दुजः ख।
लिथुआनियाया ध्वाँय् निभाःया निंतिं म्हासु(च्वय्), बुँया निंतिं वांगु(दथुइ) व लिथुआनियाया स्वतन्त्रताया निंतिं ल्वानाच्वंपिं लिथुआनियामितय्गु हिया निंतिं ह्याउँगु (क्वय्) रंग दु।
लिथुआनिया ७गु निसें ९गु शताब्दीइ बाल्टिक राष्ट्र पुचःपाखें छगू देय्या रुपय् हिलेगु प्रक्रिया शुरु जुल। लिथुआनिया व लातभियाया पुर्खा बाल्टत प्रोटो-इन्डो-युरोपेली भाषाया कथित मूल जन्मभूमिं नेमुनास व दौगावा खुसि व बाल्टिक सागरया दथुइ च्वंगु थासय् वःगु ख। यक्व वैज्ञानिकतसें इपिं ईसापूर्व ३गु सहस्राब्दीइ छुं ईलय् अन वःगु जुइफूगु मत ब्यूगु दु।
थ्व देय् या शुरुवातया परम्परागत तिथि १२३६ ख, गुबले लिथुआनियामितेसं शाउलिइ (सूर्यया युद्ध) युद्ध त्याकल।
ग्रान्ड डची अफ लिथुआनियां सन् १५६९इ पोल्याण्ड नाप छगू सन्धि यात गुकिलिं थ्व नितां देय् यात छगू हे देय् दयेकल। सन् १७९५य् थ्व देय् रूसी साम्राज्यं थःगु अधीनय् लाकल गुकिलिं पोलिश-लिथुआनिया राष्ट्रमंडलया अन्त्य जुल। फेब्रुअरी १६, १९१८ खुन्हु थुकियात हानं स्वतन्त्रता दत।
सन् १९४०इ थ्व देय् सोभियत संघं थःगु अधीनय् लाकल। सन् १९४१ जुन २२ खुन्हु जर्मन आक्रमणया इलय् निसें लिथुआनिया सन् १९४४ तक्क जर्मन कब्जाय् लात।
लिथुआनियां सन् १९९० मार्च ११ खुनु हाकनं थःगु स्वतन्त्रताया घोषणा यात। आः थ्व देय् छगू स्वतन्त्र अर्धराष्ट्रपति लोकतान्त्रिक गणतन्त्र ख।
प्रशासन
[सम्पादन]
लिथुआनियायात १० काउन्ति, ६० नगर पालिका व ५०० एल्डेरेटय् बायातःगु दु। काउन्टित थ्व कथं दु-
- एलिटस काउन्ति
- कौनास काउन्ति
- क्लैपेदा काउन्ति
- मारिजम्पोले काउन्ति
- पानेभेजिस काउन्ति
- शाउलिइ काउन्ति
- तौरागे काउन्ति
- तेल्सिइ काउन्ति
- उतेना काउन्ति
- भिल्नियस काउन्ति
काउन्ति गभर्नरं काउन्तिइ शासन याइ। गभर्नरयात केन्द्र सरकारं नियुक्त याइ। नगर पालिकात नगर परिषदं शासन याइ गुगु ४ दँया निंतिं निर्वाचित जुइ। छगू नगरपालिकाया प्रमुख मेयर ख। एल्डरेट्सयात एल्डरतय्सं शासन याइ। इपिंत नगर परिषदं नियुक्त याइ।
स्वयादिसँ
[सम्पादन] |
विकिमिडिया मंका य् थ्व विषय नाप स्वापु दुगु मिडिया दु: Lithuania |