सुरिनाम
सुरिनाम वा सरनाम दक्षिण अमेरिकाया छगू देय् ख। थ्व देय् या आधिकारिक नां डच भासय् रिपब्लिक सुरिनाम ख (भाय् हिला गणतन्त्र सुरिनाम ) ख। थ्व थाय् यात न्हापा नेदरल्याण्ड्स गुयाना, नेदरल्याण्ड्स गुयाना वा डच गुयाना धकाः म्हसीकेगु याः। थ्व गुयाना व फ्रेन्च गुयानाया दथुइ लाः । परमारिबो थ्व देय्या राजधानी नगर ख, गुकिलि देय् या बच्छि ति मनू च्वनि। थ्व देसय् करिब ६ लख मनुत च्वनि। सन् १९७५ य् सुरिनाम नेदरल्याण्डं स्वतन्त्र जुल । व स्वया न्ह्यः, थ्व नेदरल्याण्ड्स राज्यया छगू भाग ख।
देय् या दक्षिणय् फ्रेन्च गुयाना व गुयाना नापं सीमा विवाद दु।
देय् या मू उद्योग बक्साइटया उत्खनन व प्रशोधनय् केन्द्रित दु। थ्व उद्योगं सकल ग्राहस्थ उत्पादनया १५ प्रतिशत व निर्यातया ७०% स्वया अप्व योगदान बी। मेगु निर्यातय् चिनी, चिकं व लुँ ला। २५%ति ज्या याइपिं मनूत बुँज्याया लजगाः यानाच्वंगु दु। थुकिया मू व्यापारिक साझेदार नेदरल्याण्ड्स, संयुक्त राज्य अमेरिका व क्यारिबियनया देय्पिं ख।
१६गु शताब्दीया सुरुइ डच, फ्रेन्च, स्पेनिश व अंग्रेज अन्वेषकतयेसं थ्व थाय् लुइकल। छगू शताब्दी लिपा उर्वर गुयाना खलय् यक्व खुसिया सिथय् डच व अंग्रेजतेसं चिनी बुँज्याया उपनिवेश पलिस्था यात। निक्वःगु एंग्लो-डच युद्ध धुंका इंग्ल्याण्डं थ्व भूभागया दाबी त्वतूगु पलेसाय् न्यू एमस्टरडम काल गुकि लिपा न्यूयोर्क जुल।
सुरिनामय् मनूत झिंनिदँ मथ्यंतले ब्वनेकुथिइ वनि। [१] [२] साक्षरता तसकं सामान्य जु, छुं असाक्षर मिसात अझ नं दनि। [२]
प्रशासनिक ब्वथला
[सम्पादन]सुरिनामयात झिता प्रशासनिक जिल्लाय् ब्वथलातःगु दु।
| जिल्ला | मूज्याकुथि | क्षेत्रफल (किमि २ ) ५. | क्षेत्र (%) | मनूल्या (२०१२ या जनगणना) |
मनूल्या (%) | जनघनत्त्व (बासिन्दा / किमि २ ) | |
|---|---|---|---|---|---|---|---|
| सुरिनाम | परमारिबो | १६३,८२० | १००.० | ५४१,६३८ | १००.० | ३.३ | |
| १ | ब्रोकोपोन्दो | ब्रोकोपोन्दो | ७,३६४ | ४.५ | १५,९०९ | २.९ | २.२ |
| २ | कमेविजन | निउ-एमस्टरडम | २,३५३ | १.४ | ३१,४२० | ५.८ | १३.४ |
| ३ | कोरोनि | तोतनेस | ३,९०२ | २.२ | ३,३९१ | ०.६ | ०.९ |
| ४ | मारोविजेने | अल्बिना | ४,६२७ | २.८ | १८,२९४ | ३.४ | ४.० |
| ५ | निकेरी | निउ-निकरी | ५,३५३ | ३.३ | ३४,२३३ | ६.३ | ६.४ |
| ६ | पारा | ओन्भरवाच्त | ५,३९३ | ३.३ | २४,७०० | ४.६ | ४.६ |
| ७ | परमारिबो | परमारिबो | १८२ | ०.१ | २४०,९२४ | ४४.५ | १३२३.८ |
| ८ | सरमक्का | ग्रोनिन्जेन | ३,६३६ | २.२ | १७,४८० | ३.२ | ४.८ |
| ९ | सिपालिविनी | मदूगु | १३०,५६७ | ७९.७ | ३७,०६५ | ६.८ | ०.३ |
| १० | वानिका | लेलिडोर्प | ४४३ | ०.३ | ११८,२२२ | २१.८ | २६६.९ |
स्वयादिसँ
[सम्पादन]लिधंसा
[सम्पादन]- ↑ United Nations High Commissioner for Refugees. The UN Refugee Agency. Unhcr.org.
- 1 2 United Nations Development Programme. Hdrstats.undp.org.