मधेपुरा जिल्लाभारतया बिहार राज्यया छगू जिल्ला ख। थ्व जिल्लाया मुख्यालय मधेपुरा नगर ख। सहरसा जिल्लाया छगू अनुमण्डलया रूपय् दयाच्वंगु थ्व जिल्ला मे ९सन् १९८१ खुनु जिल्लाया रुपय् पलिस्था जुल। थुकिया पलिस्था बिले उदाकिशुनगञ्जया अनुमण्डल नं थुकिलि स्वाना यंकल। अतः, आ थ्व जिल्लाय् निगु अनुमण्डल व ११ प्रखण्ड दु। थ्व जिल्ला धार्मिक व ऐतिहासिक कथं नांजा। चण्डीस्थान, सिंघेश्वर स्थान, श्रीनगर, रामनगर, बसन्तपुर, बिराटपुर व बाबा करु खिरहर आदि थनया मू दर्शनीय थाय् ख। मधेपुराया इतिहास कुषाण वंशया शासनकाल नाप स्वा। प्राचीन कालय् भांत समुदायया मनु शंकरपुर खण्ड स्थित बसन्तपुर व रायभीर गांय् च्वनिगु या। मधेपुरा मौर्य वंशया छगू भाग जुयाच्वन। थ्व खंया प्रमाण उद-किशनगञ्ज स्थित मौर्य स्तम्भय् लु। अकबरया ईले दयेकूगु मस्जिद वर्तमान समयय् सारसंदी गांय् ला। थ्व नापं सिंकदर शाह थ्व थासय् चाहिवःगु इतिहास दु। भौगोलिक कथं थ्व जिल्ला अररिया व सुपौल जिल्लाया उत्तर, खगरिया व भागलपुर जिल्लाया दक्षिण, पूर्णिया जिल्लाया पूर्व व सहरसा जिल्लाया पश्चिमय् ला।
