नीमच जिल्लाभारतया मध्यप्रदेश राज्यया छगू जिल्ला ख। थ्व जिल्लाया मू नगर दिकेन, जवाद, जिरन, नीमच आदि ख। नीमचयात जुन ३०, सन् १९९८स मध्य प्रदेशया स्वतंत्र जिल्ला घोषित यात। न्हापा थ्व मंदसौर जिल्लाया भाग जुयाच्वन। ब्रिटिश शासनय् थन छगू छाउनी दयेकातल व थ्व छाउनी स्वतन्त्रता धुंका भारतया पैरा मिल्रिटी सेनाया छाउनीइ हिलाछ्वल। वर्तमानय् थ्व सीआरपीएफ अर्थात क्रेन्दीय रिजर्व पुलिस बलया नामं नांजा। नीमचयात सीआरपीएफया जन्मस्थली धका नं हनिगु या। ३८७९ वर्ग किमिइ दयाच्वंगु थ्व जिल्ला सुखानंद महादेव, अक्टरलोनी इमारत, नीलकंठ महादेव, अंतरी माथा मंदिर, जीरनया किल्ला व भादवा माथा मंदिर आदिया निंतिं नांजा। नीमचया दर्शनीय थासय् भादवा माताया देगः छगू ख गन शैलपुत्री, ब्रह्मचारिणी, चंद्रघटा, काली, स्कन्दमाता, व कात्यायनी माताया मूर्ति तयातःगु दु। थ्व देगलय् हाकूगु ल्वँतं दयेकातःगु विष्णुया प्रतिमा नं दु।
