थ्व जिल्लाया मू भौगोलिक विशेषता पश्चिमी घाट अथवा सह्याद्री गुंझ्वः ख। थ्व गुंझ्वः थ्व जिल्ला जुया उत्तर निसें दक्षिण तक्क वनि। सह्याद्रि व समुद्रया दथुइ छगू चिब्यागु तटीय ख्यः दु, गुकियात पायाङघाटया नामं म्हसीकिगु या। थ्व ख्यःया ब्या 8 to 24 kilometres (5.0 to 14.9 mi) तक्क दु। तटीय ख्यः धुंका ६० निसें १०० मिटर तक्कया समतल च्वकाः दूगु पर्बः दु, व पर्बःया ल्यूने सह्याद्रीया रीज व च्वका दु । सह्याद्रिसया पूर्वय् बालाघाट अपल्याण्ड दु, गुगु विशाल दक्कन पठारया छगू भाग खः । आर्द्रता दुगु फय् पश्चिमपाखें वइ, अले दच्छिया औसत समुद्री तटय् 3,000 millimetres (120 in) निसें सह्याद्रिजया पश्चिममी पाखाय् 5,000 millimetres (200 in) तक वा वइ। थ्व गुंझ्वःया पूर्वय् सह्याद्रिया वाया किचः (पर्बःया वा मवइगु पाखा) क्षेत्र दु, गन 1,000 millimetres (39 in) वार्षिक औसतया म्हो जक मात्राय् वा वइ। अप्व वा जुन–सेप्टेम्बर मनसुनय् वइ। प्यंगू मू खुसि सह्याद्रिया च्वकां पश्चिमपाखे समुद्रय् वनी; उत्तर निसें दक्षिण तक काली, गंगावाली, अघनाशिनी, शरावती थनया मू खुसि ख। थ्व खुसितेसं यक्व झ्वाला दयेकिगु या, अघनाशिनी खुसि ११६ मिटर हाकःगु थन्याःगु छगू झ्वाला ख, मागोड झ्वालाय् बेदती खुसि निगु तकिंइ १८० मिटर क्वबाइ, शिवगंगा झ्वालाय् सोन्दा (शालमाली) खुसि ७४ मिटर क्वबाइ, व लालगुली झ्वाला व मैलवर्माने झ्वाला जुसें काली खुसिइ बाहा वनि। तटीय भूमिइ थ्व खुसिं तःब्याःगु खुसि-क्वः दयेकिगु या, थ्व खुसि-क्वः तटं छुं किलोमिटर दुने ला।
|250px|none|alt=|Location of उत्तर कन्नड]]
India
.jpg)
.jpg)
