न्यु ह्याम्प्शायर

न्यु ह्याम्प्शायर संयुक्त राज्य अमेरिकाया छगु राज्य खः। थ्व राज्य उत्तरपूर्वी संयुक्त राज्य अमेरिकाय् ला। थ्व राज्य न्यू इङ्गल्याण्ड क्षेत्रया ६गु राज्यय् छगू ख। थ्व राज्यया राजधानी कन्कर्ड ख धाःसा थुकिया दकले तःधंगु नगर म्यान्चेस्टर ख। निगुगु दकलय् तःधंगु नगर नाशुआ ख। मेमेगु मू नगरय् कीन, डोभर, पोर्ट्समाउथ, व मेरिम्याक ला।

थ्व राज्यया आदर्श वाक्य "लिभ फ्री अर डाइ" (Live Free or Die) ख व राज्यया उपनाम ग्रेनाइट राज्य ख। राज्यया स्वां लाइलाक खःसा राज्यया झंगः पर्पल फिन्च खः। न्यू ह्याम्पशायर न्यू इङ्गल्याण्डया छगू भाग ख। थ्व राज्यया पूर्वय् मेइन, दक्षिणय् म्यासाचुसेट्स, पश्चिमय् भर्मोन्ट व उत्तरय् क्यानाडाया छगू प्रान्त क्वेबेक ला।

सन् २०२०य् थ्व राज्यया जनसंख्या १३,७७,५२९ दु, अतः, थ्व राज्य जनसंख्याया ल्याखं संयुक्त राज्य अमेरिकाया १०गू दक्ले चिधंगु राज्य ख।

न्यू ह्याम्पशायरया पर्यटकीय आकर्षणया थाय्या धलखय् लेक्स रिजन, ह्वाइट माउन्टेन, व लौदनया न्यू ह्याम्पशायर मोटर स्पीडवे ला। न्यू ह्याम्पशायरया छुं नांजाःपिं मनूत फ्र्याङ्कलिन पियर्स, एडम स्यान्दलर व एयरोस्मिथ ब्याण्डया दुजःत ख। न्यू ह्याम्पशायर राष्ट्रपतिया प्रारम्भिक चुनावय् मतदान याइगु न्हापांगु राज्यया रुपय् नं नांजाः।

न्यू ह्याम्पशायर अमेरिकी स्वतन्त्रता युद्ध स्वया न्ह्यः बेलायती उपनिवेश ख। संयुक्त राज्य अमेरिकाया संविधान स्वीकार यायेधुंका सन् १७८८ जुन २१ खुनु थ्व राज्य ९गू राज्य जुल।

भूगोल

काउन्टी	एफआइपिएस कोड	काउन्टीया राजधानी	पलिस्था	दयेकूगु भूभाग	व्युत्पत्ति	जनघनत्व	मनूल्या	क्षेत्रफल
बेल्कनाप काउन्टी	००१	लाकोनिया	१८४०	मेरिम्याक काउन्टी व स्ट्र्याफोर्ड काउन्टीया छुं भाग।	जेरेमी बेल्कनाप (१७४४–१७९८), प्रारम्भिक न्यू ह्याम्पशायर इतिहासकार।	१६२.७४/वर्ग माइल (६२.८३/किमि२)	६५,२५७	४०१ बर्ग माइल (१,०३९ किमि२)
क्यारोल काउन्टी	००३	ओसिपी	१८४०	स्ट्र्याफोर्ड काउन्टीया छगू ब्व।	चार्ल्स क्यारोल अफ क्यारोलटन (१७३७–१८३२), संयुक्त राज्य अमेरिकाया स्वतन्त्रता घोषणापत्रया लिपाँह म्वानाच्वंम्ह हस्ताक्षरकर्ता।	५६.३०/वर्ग माइल (२१.७४/किमि२)	५२,५८०	९३४ वर्ग माइल (२,४१९ ​​किमि२)
चेशायर काउन्टी	००५	कीन	१७६९	न्यागू मूल काउन्टी मध्ये छगू ।	चेशायरया अंग्रेजी काउन्टी ।	११०.२८/वर्ग माइल (४२.५८/किमि२)	७८,०७८	७०८ वर्ग मि. (१,८३४ किमि२)
कूस काउन्टी	००७	लान्कास्टर	१८०३	ग्राफ्टन काउन्टीया छगू ब्व ।	छगू अल्गोन्कियन खँग्वः गुकिया अर्थ "चीधंगु पाइन" ख।	१७.२६/वर्ग माइल (६.६६/किमि२)	३१,०९४	१,८०१ वर्ग माइल (४,६६५ किमि२)
ग्राफ्टन काउन्टी	००९	हेभरहिल	१७६९	न्यागू मूल काउन्टी मध्ये छगू ।	अगस्टस हेनरी फिट्जरोय, ३गु ड्यूक अफ ग्राफ्टन (१७३५–१८११), ग्रेट ब्रिटेनया छम्ह प्रधानमन्त्री (१७६८–१७७०)।	५४.२९/वर्ग माइल (२०.९६/किमि२)	९३,०४५	१,७१४ वर्ग माइल (४,४३९ किमि२)
हिल्सबोरो काउन्टी	०११	म्यानचेस्टर व नाशुआ	१७६९	न्यागू मूल काउन्टी मध्ये छगू ।	विल्स हिल, डाउनशायरया प्रथम मार्क्वेस (१७१८–१७९३), अमेरिकाय् अर्ल अफ हिल्सबोरोया नामं म्हसीम्ह, गुम्हेस्यां उपनिवेशया निंतिं न्हापांम्ह विदेश सचिवया रुपय् ज्या यात।	४९१.३९/वर्ग माइल (१८९.७३/किमि२)	४३०,४६२	८७६ वर्ग माइल (२,२६९ किमि२)
मेरिम्याक काउन्टी	०१३	कन्कर्ड	१८२३	हिल्सबोरो काउन्टी व रकिङ्गहम काउन्टीया छुं भाग।	मेरिम्याक खुसि ।	१६९.०२/वर्ग माइल (६५.२६/किमि२)	१५७,८६९	९३४ वर्ग माइल (२,४१९ ​​किमि२)
रकिङ्गहम काउन्टी	०१५	ब्रेन्टवुड	१७६९	न्यागू मूल काउन्टी मध्ये छगू ।	चार्ल्स वाटसन-वेन्टवर्थ, रकिङ्गहमया २म्ह मार्क्वेस (१७३०–१७८२), ग्रेट ब्रिटेनया निकः प्रधानमन्त्री जुम्ह (१७६५–१७६६, १७८२)।	४६३.९३/वर्ग माइल (१७९.१२/किमि२)	३२२,४३३	६९५ बर्ग माइल (१,८०० किमि२)
स्ट्र्याफोर्ड काउन्टी	०१७	डोभर	१७६९	न्यागू मूल काउन्टी मध्ये छगू ।	विलियम वेन्टवर्थ, २म्ह अर्ल अफ स्ट्र्याफोर्ड (१६२६–१६९५), छम्ह अंग्रेजी कुलीन गुम्हेसियाके औपनिवेशिक भूमि दु।	३६३.६९/वर्ग माइल (१४०.४२/किमि२)	१३४,२०२	३६९ बर्ग माइल (९५६ किमि२)
सलिभन काउन्टी	०१९	न्यूपोर्ट	१८२७	चेशायर काउन्टी का भाग।	जोन सलिभन (१७४०-१७९५), न्यू ह्याम्पशायरया स्वम्ह व प्यंगुम्ह गभर्नर (१७८६-१७८८, १७८९-१७९०)।	८१.९६/वर्ग माइल (३१.६४/किमि२)	४४,०१२	५३७ वर्ग माइल (१,३९१ किमि२)

कासा

क्वय् बियातःगु कासा पुचःत न्यू ह्याम्पशायरय् दु ।

क्लब	कासा	थाय्	लीग	ताजि	लिखँ
अमोस्केग रग्बी क्लब	रग्बी युनियन	नर्थइस्त एथलेटिक क्लब, पेम्ब्रुक	न्यू इंग्ल्याण्ड रग्बी फुटबल युनियन	एमेचर
कीन स्वाम्प ब्याट्स	बेसबल	अलुम्नाइ फिल्ड, कीन	न्यू इंग्ल्याण्ड कलेजिएट बेसबल लिग	कोलेजिएट समर बेसबल
नाशुआ सिल्भर नाइट्स	बेसबल	होलमन स्तेदियम, नाशुआ	फ्यूचर्स कलेजिएट बेसबल लीग	कोलेजिएट समर बेसबल
न्यू ह्याम्पशायर फिसर क्यात्स	बेसबल	डेल्टा डेन्टल स्टेडियम, म्यानचेस्टर	डबल-ए पूर्वी लिग	प्रोफेसनल	टोरन्टो ब्लू जेजया डबल-ए स्वापू दूगु
न्यू ह्याम्पशायर वाइल्ड	बेसबल	डोन डायमण्ड, कन्कर्ड	एम्पायर प्रोफेशनल बेसबल लिग	प्रोफेसनल	स्वतन्त्र माइनर लिग
नर्थइस्त रकस	अमेरिकन फुटबल	नर रक फिल्द	वुमन्स फुतबल अलायन्स	सेमि-प्रोफेसनल	विन्धमय् स्थित, लिक्कसं च्वंगु रेमण्ड, न्यू ह्याम्पशायरय् होमगेम म्हिती ।
सीकोस्ट युनाइटेड फ्यान्टम	सकर	न्यू इंग्ल्याण्ड स्पोर्ट्स पार्क	यूएसएल लिग तु	सेमि-सेमि-प्रोफेसनल	पोर्ट्समाउथय् च्वनाः, लिक्कसं च्वंगु ह्याम्पटन, न्यू ह्याम्पशायरय् होमगेम म्हिती ।
न्यू ह्याम्पशायर माउन्टेन किंग्स	आइस हकी	ट्राइ-टाउन आइस एरिना, हुकसेट	नर्थअमेरिकन हकी लिग	एमेचर

सन् १९८१इ हेनिकरय् पेन्टबल कासाया आविष्कार जुल सटन हलिमया दकलय् न्हापांगु व्यावसायिक पेन्टबलया थाय् ख।

लौडनय् न्यू ह्याम्पशायर मोटर स्पीडवे छगू ओभल ट्र्याक व रोड कोर्स ख गुकियात राष्ट्रिय मोटरस्पोर्ट च्याम्पियनसिप झ्वः दसु नास्कार कप सिरिज, नास्कार एक्सफिनिटी सिरिज, नास्कार क्राफ्त्सम्यान ट्रक सिरिज, नास्कार व्हेलेन मोदिफाइद तुर, अमेरिकन कनेदियन तुर, च्याम्प कार, व इन्दिकार सिरिज आदिया भ्रमण स्थल जूगु दु। मेमेगु मोटर रेसिङया थासय् एपिङया स्टार स्पीडवे व न्यू इंग्ल्याण्ड ड्रागवे, लीया ली युएसए स्पीडवे, क्लेरमोन्टया ट्विन स्टेट स्पीडवे, विन्चेस्टरया मोनाडनक स्पीडवे व कनानया कनान फेयर स्पीडवे ला।

न्यू ह्याम्पशायरय् निगु विश्वविद्यालय दु गुकिलिं फुक्क कलेजिएट कासाय् एनसीएए डिभिजन १ य् प्रतिस्पर्धा यानाच्वंगु दु: डार्टमाउथ बिग ग्रीन ( आइभी लीग ) व न्यू ह्याम्पशायर वाइल्डक्याट्स ( अमेरिका इस्त कन्फरेन्स), नापं स्वंगु एनसीएए डिभिजन २ टिम: फ्र्याङ्कलिन पियर्स रेभेन्स, सेन्ट एन्सेल्म हक्स, व साउदर्थ न्यू ह्याम्पशायर पेनमेन ( नर्थ इस्त-१० कन्फरेन्स)। मेमेगु अप्व स्कूलत एनसीएए डिभिजन III वा एनएआईएय् ब्वति काइ।

सन् २००२ निसें दँय् दँसं "ट्विन स्टेट" प्लेअफया इलय् हाईस्कूलया राज्यव्यापी अल-स्टारतयेसं १०ता कासाय् भर्मोन्ट विरुद्ध प्रतिस्पर्धा याइ।

स्वया दिसँ

• संयुक्त राज्य अमेरिका

पिनेया स्वापूत

• अमेरिकी सरकारया वेबथाय्