कनेक्तिकत

देय्	संयुक्त राज्य अमेरिका
Before statehood	Connecticut Colony
Admitted to the Union	January 9, 1788 (5th)
राजधानी	Hartford
दकले तःधंगु नगर	Bridgeport
Largest metro and urban areas	Greater Hartford
Government
- गभर्नर	Dannel Malloy (D)
- Lieutenant Governor	Nancy Wyman (D)
Population
- Total	(२,०१०) ३,५७४,०९७
- Density	७०२.९/sq mi (२७१.४०/km2)
- Median household income	$६८,५९५
- Income rank	३rd
भाषा
- Official language	None
- भाषा
USPS abbreviation
Latitude	40°58′ N to 42°03′ N
Longitude	71°47′ W to 73°44′ W

कनेक्तिकत उत्तरपूर्वी संयुक्त राज्य अमेरिकाया छगू राज्य ख। थ्व राज्यया सीमाय् पूर्वत् रोद आइल्यान्द, उत्तरय् म्यासेच्युसेत्स, न्युयर्कया राज्य पश्चिमय् व दक्षिणय् ला।

थ्व राज्यया नां कनेक्तिकत खुसिया नामं वःगु ख। कनेक्तिकत खुसि छगू मू अमेरिकी खुसि ख गुकिलिं थ्व राज्यया राजधानी हार्तफर्दयात निगु भागय् बाइ। कनेक्तिकतया आपालं दक्षिणी व पश्चिमी भूभाग व थ्व राज्यया मू जनसंख्या न्यु यर्क महानगरया अधीनय् ला। कनेक्तिकतया ८गुइ ३गु काउन्ति ताथ्याङ्किक कथं न्युयर्क तथ्याङ्क क्षेत्रय् ला। थ्व क्षेत्रयात त्राइ स्तेत एरिया नं धाइगुया। कनेक्तिकतया केन्द्रिय जनसंख्या चेशायर, न्यु ह्याभेनय् दु। थ्व थाय् नं त्राइ स्तेत एरियाय् हे ला।

कनेक्तिकत संराअमेरिकाया २९गु दक्कले अप्व जनसंख्या दूगु राज्य ख। थ्व राज्यया जनसंख्या ३।५ मिलियन दु। क्षेत्रफल कथं थ्व राज्य ४८गु दक्कले तःधंगु राज्य ख। अतः, थ्व राज्य ४गु दक्कले अप्व जनघनत्त्व दूगु राज्य नं ख। कन्स्तित्युसन (वा संविधान) राज्य, नतमेग राज्य व ल्यान्द अफ स्तिदि ह्याबित्स थ्व राज्यया मेमेगु नां ख। थ्व राज्यं अमेरिकाया संघीय स्वरुप निर्धारण याइगुलि निर्धारक भूमिका म्हितुगु दु।

थ्व राज्यया दक्कले न्हापांगु वासी दच मनुत ख। दचतयेसं हार्तफोर्दया पार्क खुसि व कनेक्तिकत खुसिया दोभानय् चिधंगु व अप्व ई तक्क मम्वागु फोर्त हूप धाःगु थाय् पलिस्था यात। न्हापा बच्छि कनेक्तिकत दच कोलोनीया रुपय् न्यु निदरल्यान्द जुयाच्वन गुकिलि कनेक्तिकत व देलावेर खुसिया यक्व भूभाग ला।

थ्व राज्यया प्रथम तःधंगु वस्ती सन् १६३०इ अंग्रेजी मनुतयेसं दयेकल। तमस हुकरया नेतृत्त्वय् वःपिं मनुतयेसं म्यासेचुसेत्स बे कोलोनीं थन वया बस्तीया पलिस्था यात। थ्व बस्ती लिपा सेब्रुक कोलोनी व न्यु हाभेन कोलोनीनाप कनेक्तिकत कोलोनी जुवन। थ्व निगु कोलोनीं फन्दामेन्तल अर्दर्स अफ कनेक्तिकत जारी याना उत्तर अमेरिकाय् दक्ले न्हापांगु संविधान दयेकल। सन् १६६२इ थ्व स्वंगु उपनिवेश शाही चार्तरया अधीनय् छगू जुवन, थुकिया लिच्वः कथं कनेक्तिकत छगू क्राउन कोलोनी जुवन। थ्व कोलोनी बेलायती उपनिवेशतयेगु विरोधय् अमेरिकी स्वतन्त्रया संग्रामय् आन्दोलन याइगु १३गु उपनिवेशय् छगू ख।

कनेक्तिकत खुसि, तेम्स खुसि व लङ्ग आइल्यान्द साउन्दया बन्दरगाहतयेसं थ्व राज्ययात बल्लागु नाविक परम्परा ब्युगु दु। कनेक्तिकतया मेमेगु सांस्कृतिक उद्योगय् आर्थिक सेवा: दसु इन्स्योरेन्स कम्पनी, हेज फन्द आदि ला। सन् २०१०या जनगणना कथं थ्व राज्यय् दक्ले अप्व प्रतिव्यक्ति आय, मानव विकास परिसूचक (०.९६२), व दक्ले अप्व हाउसहोल्द इन्कम दु। कनेन्तिकत छगू तःमि राज्य जुसां थ्व राज्यया नगरी, उपनगरी व ग्रामीन आय यक्व पा। नापं थ्व राज्यया नगरी गरिबी देय्या हे दक्ले अप्व दु गुकिलिं याना थ्व राज्यया छुं नगरतयेत देय्या हे दक्कले ग्यानापुगु नगरया रुपय् स्थापित याःगु दु।

शिक्षा

येलया आदर्श वाक्यया अर्थ "जः व सत्य" ख।

एज्युकेसन विकया गुणस्तर ल्या २०१८ प्रतिवेदन कथं कनेक्टिकट शिक्षाया निंतिं संयुक्त राज्य अमेरिका राष्ट्रतेगु धलखय् स्वंगूगु थासय् लाः। थ्व राज्यं १०० ल्याः दुने ८३.५ ल्याः हःगु खः। औसतय् संरा अमेरिकाया राज्यतेगु स्कोरे ७५.२ दु। कनेक्टिकटं चान्स-फर-सक्सेस विधाय् बी-प्लस त्याःगु दु। के-१२ शिक्षा प्रणाली दुने व पिने निगुलिं थासय् छम्ह मचा सुथां लाइगु कारकया ल्याखं-धलखय् प्यंगूगु थासय् लाःगु दु। स्कूल फाइनान्सया निंतिं प्यंगूगु थासय् लाःगु थ्व राज्यं थ्व विधाय् बी प्लसया अंक त्याःगु दु। नापं, के-१२ उपलब्धि सूचकांकय् सी ग्रेडलिसें १२ गूगु थासय् लाःगु दु।

के–१२

सार्वजनिक ब्वनेकुथि

थनया हार्टफोर्ड पब्लिक हाई स्कूल (१६३८) म्यानह्याटनया कोलेजिएट स्कूल (१६२८) व बोस्टन ल्याटिन स्कूल (१६३५) धुंका देय्या स्वंगुगु दकलय् पुलांगु माध्यमिक स्कूल ख। थौंया ईलय् कनेक्टिकट राज्य शिक्षा बोर्डं के–१२ तगिंया मस्तय्गु निंतिं सार्वजनिक विद्यालय प्रणालीया व्यवस्थापन याइ। शिक्षा बोर्डया दुजःत कनेक्टिकटया गभर्नरं नियुक्त याइ ।

कनेक्टिकट विश्वविद्यालय, राज्यया मू सार्वजनिक विश्वविद्यालय

निजी ब्वनेकुथि

कनेक्टिकटय् यक्वं निजी ब्वनेकुथि दु । निजी विद्यालयं राज्य शिक्षा विभागं स्वीकृतिया निंतिं आवेदन यायेफइ, तर यायेमाःगु आवश्यकता धाःसा मदु। राज्य कानून कथं, निजी ब्वनेकुथिं राज्यय् दँय् दँसं उपस्थिति प्रतिवेदन दर्ता यायेमाः ।

उल्लेखनीय निजी स्कूलय् चोएटे रोजमेरी हल, द हचकिस स्कूल, लूमिस चाफी स्कूल, व टाफ्ट स्कूल ला।

कलेज व विश्वविद्यालय

कनेक्टिकट देय्या न्हापांगु कानून विद्यालय, लिचफिल्ड लः स्कुलया छेँ ख, गुकिलिं सन् १७७३ निसें १८३३ तक्क लिचफिल्डय् संचालन जुल। थ्व राज्यया नांजाःगु विश्वविद्यालयय् येल विश्वविद्यालय, वेस्लेयन विश्वविद्यालय, ट्रिनिटी कलेज, सेक्रेड हार्ट विश्वविद्यालय, फेयरफिल्ड विश्वविद्यालय, क्विनिपियाक विश्वविद्यालय, व कनेक्टिकट विश्वविद्यालय ला। कनेक्टिकट राज्य विश्वविद्यालय प्रणालीइ ४गु राज्य विश्वविद्यालय ला, व राज्यय् १२गु सामुदायिक कलेज नं दु। संयुक्त राज्य अमेरिकाया तट रक्षक एकेडेमी (कोस्त गार्द) न्यू लण्डनय् लाः ।

भूगोल

थ्व राज्यया नगरक्षेत्र (सिटी) थ्व कथं दु-

• एन्सोनिया
• ब्रिजपोर्ट
• ब्रिस्टल
• ड्यानबरी
• डर्बी
• ग्रोटन
• हार्तफर्द
• मेरिडेन
• मिडलटाउन
• न्यु ब्रिटेन
• न्यु ह्याभेन
• न्यु लंडन
• नरवाक
• नरविच
• शेल्टन
• स्ट्यामफर्ड
• टरिंगटन
• वाटरबरी
• वेस्ट ह्याभेन

स्वया दिसँ

• कनेक्टिकटया थाय्तयेगु धलः
• संयुक्त राज्य अमेरिका

पिनेया स्वापूत

• अमेरिकी सरकारया वेबथाय्