ओसियानिया
.svg) An orthographic projection of Oceania | |
| Area | 9,000,000 km2 (3,500,000 sq mi) (7th) |
|---|---|
| Population | 44,491,724 (2021, 6th)[१][२] |
| Population density | 4.94/km2 (12.8/sq mi) |
| GDP (nominal) | $1.630 trillion (2018, 6th) |
| GDP per capita | $62,316 (2023, 1st) |
| Demonym | Oceanian |
| Countries | UN members (15)
|
| Dependencies | |
| Languages |
|
| Time zones | UTC+9 (Papua, Palau) to UTC–6 (Easter Island) (west to east) |
| Largest cities | |
| UN M49 code | 009 – Oceania001 – World |
.svg){kind=small}
ओसियानिया छगू प्रशान्त महासागरया भौगोलिक क्षेत्र ख। थ्व क्षेत्रय् अस्ट्रेलिया, मेलानेसिया, माइक्रोनेसिया, व पोलिनेसिया ला। पूर्वी व पश्चिमी गोलार्धय् दयाच्वंगु थ्व महासागरीय टापूतेगु पुचया बँया क्षेत्रफल थ्यं-मथ्यं ९,०००,००० वर्ग किलोमिटर (३,५००,००० वर्ग माइल) व २०२२ कथंया मनूल्या ४ कोटी ४४ लखः दु। थ्व सकल टापूतेत छगू महादेशया रुपय् कायेगु या। थथे छगू महादेशया कथं कायेबिले ओसियानिया भूमि क्षेत्रफलय् दकलय् चिधंगु महाद्वीप ख व अन्टार्कटिका धुंका निगूगु दकलय् म्हो जनसंख्या दूगु महादेश ख।
ओसियानियाय् अष्ट्रेलिया, फ्रेन्च पोलिनेसिया, हवाई, न्यू क्यालेडोनिया, व न्यु जिल्याण्डया अत्याधिक विकसित व विश्वव्यापी रुपं प्रतिस्पर्धी वित्तीय बजार निसें विविध अर्थतन्त्रया विविध मिश्रण दु। थनया जीवनया गुणस्तर व मानव विकास सूचकांकय् थ्व उच्च थासय् लाःगु थाय् निसें किरिबाटी , पपुआ न्यू गिनी, तुभालु, भानुआतु, व पश्चिमी न्यू गिनीया यक्व म्हो विकसित अर्थतन्त्र तक दुथ्याः। ओसियानियाया दकलय् तःधंगु व दकलय् अप्व जनसंख्या दूगु देय् अष्ट्रेलिया ख, व दकलय् तःधंगु नगर सिड्नी ख। इन्डोनेसियाया पुन्काक जया ओसियानियाया दकलय् तजाःगु च्वकाः ख गुकिया जाः ४,८८४ मिटर (१६,०२४ फिट) दु।
अष्ट्रेलिया, न्यूगिनी व थीथी टापूइ च्वंपिं आदिवासी मनूत थन ६०,००० दँ स्वयां न्ह्यः हे थ्यंकूगु खः। ओसियानिया दकलय् न्हापां १६गु शताब्दी निसें युरोपियनतेसं अन्वेषण याःगु ख। पोर्चुगिज अन्वेषकत, १५१२ व १५२६या दथुइ, तनिम्बर टापुतय् थ्यन व लिपा छुं क्यारोलिन टापुत व पश्चिम न्यूगिनीइ थ्यन। स्पेनिश व डच अन्वेषकत लिपा थन वल, अनंलि बेलायती व फ्रान्सेलीपिं नं थन थ्यन। १८गु शताब्दीइ थःगु न्हापांगु समुद्रया यात्राय्, जेम्स कुक, गुम्ह लिपा हवाई टापुइ तक थ्यन, तहितिइ वन व न्हापांगु खुसिइ अष्ट्रेलियाया पूर्वी तटय् थ्यन। लिपाया शताब्दीइ युरोपेली बसोबास याइपिनिगु आगमनया लिच्वः कथं ओसियानियाया सामाजिक व राजनीतिक परिदृश्यय् यक्व हिउपाः वल। प्रशान्त ख्यलय् न्हापांगु व निगूगु विश्वयुद्धया इलय् यक्व हताः खनेदल।
आदिवासी अष्ट्रेलियनतय्गु रक कला हलिमय् दकलय् ताःहाकःगु निरन्तर अभ्यास जुयाच्वंगु कलात्मक परम्परा खः। ओसियानियाया अप्व देसय् संसदीय लोकतन्त्र व्यवस्था दु। थनया थीथी देसय् पर्यटन आयया छगू तःधंगु स्रोत ख।
भूगोल
[सम्पादन]
ओसियानियाया देय् थथे दु:
- अस्ट्रेलिया
- न्हु जील्याण्ड
- माईक्रोनेसिया
- मार्शल टापू
- पलाउ
- नाउरु
- सोलोमन टापू
- भानुआटु
- फिजी
- तुभालु
- किरिबाती
- सामोआ
- टोङ्गा
- नायु
- कूक टापू
- पपुवा न्हु गिनिया
स्वयादिसँ
[सम्पादन]लिधंसा
[सम्पादन]- ↑ World Population Prospects 2022. United Nations Department of Economic and Social Affairs, Population Division.
- ↑ World Population Prospects 2022: Demographic indicators by region, subregion and country, annually for 1950-2100 (XSLX). United Nations Department of Economic and Social Affairs, Population Division.