बर्टन रिचर

विकिपिडिया नं
थन झासँ: navigation, मालादिसँ
बर्टन रिचर

बर्टन रिचर (बुं दिं मार्च २२ १९३१) छम्ह नोबेल सिरपा-हनामि अमेरिकी भौतिक शास्त्री ख। वेकः न्हु यर्कमि ख, वेकलं एम आइ टीय् ब्वनादिल व अन वेकलं थगु ब्याचेलर्स डिग्री १९५२य् व पी एच डी १९५६य् कयादिल। वेकः १९८४ निसें १९९९ तक्क स्ट्यानफर्ड लिनियर एसेलरेसन सेन्टर (SLAC)या डिरेक्टर जुयादिल।

स्ट्यानफर्ड विश्वविद्यालयया प्राध्यापकया रुपय् वेकलं पार्टिकल एसेलेरेटर (SPEAR (Stanford Positron-Electron Asymmetric Ring) नां यागु) देकादिल। वेकयात थ्व ज्याय् डेभिड रिट्सनयु एस् आणविक उर्जा प्राधिकरण नं ग्वहालि यात। थुकिलिं वेकलं छगु न्हुगु सबएटमिक पार्टिकल आविष्कार यानादिल। थुकियात वेकलं शाइ पार्टिकल (psi particle) धका नां बियादिल। थ्व पार्टिकलयात आ J/ψ पार्टिकल धाइ।

थ्व हे आविष्कार मेम्ह वैज्ञानिक स्यामिएल टिङ्ग नं स्वतन्त्र कथलं यानादिल। थ्व ज्याया निंति वेकपिं निम्ह वैज्ञानिकतेत मंका कथं १९७६या नोबेल सिरपा:भौतिक शास्त्र नं हनेज्या जुल।

रिचरजु आ अमेरिकाया निंति वैज्ञानिक व इन्जिनियरय् बोर्ड सल्लाहकारया कथं ज्या यानादिया च्वंगु दु। थ्व गुथिं अमेरिकी सरकारय् विज्ञानयात प्रमोट याय्‌यु ज्या याइ।

पिनेया स्वापूत[सम्पादन]

न्हापायाम्ह पदाधिकारी
वूल्फग्यांग प्यानोफ्स्की
SLAC निर्देशक
१९८४ – १९९९
लिपायाम्ह पदाधिकारी
जोन्याथन एम डोर्फान


Commons-logo.svg
विकिमिडिया मंका य् थ्व विषय नाप स्वापु दुगु मिडिया दु: