तमिल संकिपा

तमिल संकिपा
चेन्नईया कमला थिएतर
Number of screens	1546 Single-screens in Tamil Nadu
Main distributors	Ayngaran International Aascar Films AVM Productions
Produced feature films (2012)
Total	262
Gross Box Office (2013)
National films	India: Template:INRConvert

तमिल संकिपा तमिलनाडु राज्यया मू न्ववाइगु भाषा तमिल भाषाय् संकिपाया निर्माणय् समर्पित भारतीय सिनेमाया खण्ड ख। थ्व सिनेमायात कलिउडया नामं नं म्हसीकिगु या। थ्व नां कोदम्बकम् (तमिल संकिपा स्टुडियों जाःगु चेन्नईया त्वाः) व हलिउडया नां स्वानाः दयेकूगु नां ख।

दकलय् न्हापांगु तमिल मूक संकिपा कीचक वधाम सन् १९१८इ आर. नटराजा मुदलियरं दय्कूगु ख। न्हापांगु तमिल खँ ल्हाइगु फीचर संकिपा कालिदास, एच. एम. रेड्डीया निर्देशनय् बहुभाषी संकिपाया कथं भारतया न्हापांगु खँ ल्हाइगु संकिपा आलम आराया ७ ला धुंका ३१ अक्टोबर १९३१य् पिहांवल। तमिल संकिपा थःगु उन्नत आख्यान व विविध संकिपाया निंतिं नांजाःगु दु। सन् १९९०या दशक व २०००या दशकया सुरुइ जातीय व भाषिक पंगःयात चीकाः यक्व निर्माण जूगु दु। थन्यागु संकिपाय् रोजा (१९९२), बम्बई (१९९५), इण्डियन (१९९६) व एन्थिरन (२०१०) ला। तमिल संकिपां वयां लिपा भारतीय संकिपाया छुं व्यावसायिक रुपं सफल अभिनेता, निर्देशक व संकिपा दयेकूगु दु।

सन् १९३०या दशकया अन्त्य तक्क मद्रास राज्यया व्यवस्थापिका संसदं सन् १९३९या मनोरञ्जन कर ऐन पारित यात। मद्रास (थौंकन्हय् चेन्नई), अनंलि हिन्दी संकिपा, मेमेगु दक्षिण भारतीय संकिपा उद्योग, नापं श्रीलंकाया संकिपाया निंतिं छगू माध्यमिक केन्द्र जुल। २०गु शताब्दीया लिपांगु ईलय् तमिल संकिपां विश्वव्यापी उपस्थिति स्थापित यात। थ्व ईलय् श्रीलंका, मलेशिया व सिंगापुरया तमिल भाषी दर्शकतेगु दथुइ बल्लाःगु बक्स अफिस सफलता कायेफत। तमिल संकिपा मध्यपूर्व, ओसियानिया, युरोप, उत्तर अमेरिका, अफ्रिकाया छुं भाग, व जापानय् नं वितरण जुयाच्वंगु दु। थ्व उद्योगं श्रीलंका, मलेसिया, सिंगापुर व पश्चिमया तमिल प्रवासी जनसंख्या दथुइ स्वतन्त्र संकिपा दयेकेगु प्रेरणा नं बिल।

संकिपा धलः

• १९३०या दशकया तमिल संकिपा
• १९४०या दशकया तमिल संकिपा
• १९५०या दशकया तमिल संकिपा
• १९६०या दशकया तमिल संकिपा
• १९७०या दशकया तमिल संकिपा
• १९८०या दशकया तमिल संकिपा
• १९९०या दशकया तमिल संकिपा
• २०००या दशकया तमिल संकिपा
• २०१०या दशकया तमिल संकिपा

स्वयादिसँ

• तमिल संकिपातेगु धलः