सिमोन बोलिभार

	सिमोन बोलिभार
	;
	1st President of Greater Colombia; 1st President of Bolivia; 2nd President of Venezuela; 3rd President of Venezuela ; ;
	कार्यालयय्‌; 1813 – 1814 ; 1819 - 1830 ; 12 August, 1825 - 29 December, 1825 ; 1819 - 1830
न्हापायाम्ह पदाधिकारी	Cristóbal Mendoza (1813)
लिपायाम्ह पदाधिकारी	José Antonio Páez (1830)
बुगु	July 24, 1783; Caracas, Venezuela
मदुगु	December 17, 1830; Santa Marta, Colombia
तिरिमैजु/तिरिभाजु	María Teresa Rodríguez del Toro y Alaysa

Simón Bolívar Memorial Monument, near Santa Marta, Colombia

Equestrian statue of Bolívar on Bolívar Square, Caracas

सिमोन जोसे एन्टोनियो दे ला सान्तिसिमा ट्रिनिड्याड बोलिभार इ पालासियोज (बुगु जुलाई २४, १७८३ काराकास, भेनेजुएला; मदुगु डिसेम्बर १७, १८३०, सान्ता मार्ता, कोलम्बियाय्) दक्षिण अमेरिकाया येक्व देय्‌या स्वतन्त्रता संग्रामया छम्ह नाय ख। वेकलं स्वतन्त्रताया निंति यागु ल्वापुतेत बोलिभारया ल्वापू धाइ।

भेनेजुवेला, कोलम्बिया, इक्वेडर, पेरु, पनामा व बोलिभियाया स्वतन्त्रता संग्रामया नाय धका हनेज्या जुइम्ह बोलिभारयात हिस्पानिक अमेरिका दच्छि छम्ह हिरोया कथं हनि।

१८०२य् वेकलं मारिया तेरेसा रोद्रिग्वे देल तोरो य् अलैसा नाप इहिपा यानादिल। वेकया थ्व तिरिमय्‌जु येल्लो फिभर जुया दच्छि स्वया म्हो इले मदे धुंसां वेकलं हानं इहिपा याना मदि।

बोलिभारयात "एल लिबर्तादोर", द लिबरेटर, धका हनि। वेकयात "दक्षिण अमेरिकाया जोर्ज वाशिंग्टन" धका वाशिंग्टनं संयुक्त राज्य अमेरिकायागु स्वतन्त्रता संग्राम थें न्यागु वेकया स्वतन्त्रता संग्रामया निंति हनि।

पारिवारिक नां व प्रारम्भिक जीवन

बोलिभार जहांनिया परिवार बास्क कन्ट्रीया छगू चिधंगु गामं वःगु ख। थ्व गांया नां बोलिबार जुगुलिं थ्व परिवारया नां बोलिभार जूवन ^[१]। बोलिभार परिवार भेनेजुयलाय् १६गु शताब्दीइ च्वं वन।

थ्व परिवारया छुं भाग सम्पत्ति भेनेजियेलाया अरोआ खुसिया लुं व तामाया खानीं वःगु ख। १६३२इ थ्व थासय् लुं दक्ले न्ह्यः लिकाःगु जुल, लिपा थ्व थासय् तामा दुगु तथ्य खने दत। १६००या लिपाया इले थ्व थाय्‌या तामयात "Cobre Caracas"या नामं छ्य्‌लिगु जुल। थ्व खानी लिपा सिमोन बोलिभारया परिवारया सम्पत्ति जुवन।

लिपा, थःगु क्रान्तिकारी जीवनय्, बोलिभारं थःगु खानीया आम्दानी दक्षिण अमेरिकी क्रान्तिकारी युद्धया निंतिं छ्य्‌लादिल। छुं मनुतेसं धाःसा वय्‌कःया परिवार तःमि जुइ न्ह्यः हे सम्भान्त जुगु धका धाइ। दसुया निंतिं १५७५य् देकुगु क्याराकासया क्याथेद्रलय् सिमोन बोलिभारया परिवारया निंतिं छगू चिधंगु क्याथेद्रल देका तःगु खने दु।