मनुयागु मिखा
मिखा मनुयागु छगु सेन्स अर्ग्यान खः। मिखा नं जः उर्जायागु निस्चित वेभलेन्थतेत न्ह्येपूय् येंकियु ज्या याई। अथे न्ह्येपूय् येंकेयात मिखा नं जःयात मुंकिगु, मुंकुगु जःयागु उर्जायात रसायनिक उर्जाय् हिलिगु व हिलावंगु रसायनिक उर्जायात न्ह्येपू तक्क येंकिगु ज्या याई।
मिखायागु एनाटोमी
[सम्पादन]मनुयागु मिखा धाय् बिले मिखाग्व व उकियात ज्वनातःगु मिखाह्वलय्(अर्बिटय्) दयाच्वंगु मेमेगु संरचनात थुइ। तर मिखायात सीकेबिलय् मिखाग्वयात जक्क मिखा धका कायेगु या। मिखापुसाया सं (मिचुलु वा मिमिसँ वा Eyelashes) व मिखाफुसि(Eyebrow) भौतिक रुपं मिखानापं लाःगू निता संपुचः ख।
मिखाग्व
[सम्पादन]मिखाग्वले दुगु संरचनात थ्व कथलं दु-
- कन्जंक्टिभा
- कर्निया
- एन्टेरियर च्याम्बर
- युभियल तन्तु
- आइरिस
- सिलियरी बडी
- कोरोइड
- लेन्स
- जोनुल
- श्लेम्मयागु क्यानाल
- भिटरस ह्युमर
- स्क्लेरा
- अप्टिक नसा
- मिखायात संकिगु ला
कन्जंक्टिभा
[सम्पादन]थ्व मिखायागु दक्ले पिनेयागु म्युकस मेम्ब्रेन खः। कन्जंक्टिभा धागु खंग्व क्न्जोइन खंग्व नं बुयावगु खःज़् थ्व मिखासीयागु ल्युनेयागु थासे व मिखाग्वयागु दक्ले न्ह्यनेयागु थासे ला। थुकिलि एपिथेलियल, एडेनोइड व फाइब्रस तह दै। थुकियागु निगु भाग दु। व खः-
- पाल्पेब्रल कन्जंक्टिभा
- बल्बर कन्जंक्टिभा
कन्जंक्टिभायागु इन्फ्लामेसनयात कन्जंक्टिभाइटिस धाई।
कर्निया
[सम्पादन]कर्निया छगु ट्रान्स्प्यारेन्ट, अभास्कुलर संरचना खः। थ्व मिखायागु एन्टेरियर १/६ थाय्य् दया च्वनि। थ्व संरचनायागु न्यागु तह दु। थुकियागु तहतः थ्व कथलं दु-
- इपिथेलियम
- बोम्यानयागु मेम्ब्रेन
- स्ट्रोमा
- डेसेमेटयागु मेम्ब्रेन
- एन्डोथेलियम
कर्नियायात एन्टेरियर सिलियरी नसा नं चेतना बिया तई। कर्नियायागु इन्फ्लामेसन व अल्सर जुइ फु।
स्क्लेरा
[सम्पादन]स्क्लेरा धागु कर्नियायु ल्युनेयागु ५/६ मिखाग्व भुनातैगु छगु ओप्याक फाइब्रस संरचना खः। थुकिलि स्वंगु तहत दै। थुकियागु तहतेगु नां इपिस्क्लेरल तन्तु, स्क्लेरा प्रपर व ल्यामिना फुस्का खः।
युभियल तन्तु
[सम्पादन]युभियल तन्तु धागु मिखायागु हिधोंत दुगु भास्कुलर संरचना खः। थ्व तन्तुयात थाय् कथलं स्वंगु भागय् बाय् छिं। व स्वंगु भाग खः- आइरिस, सिलियरी बडी व कोरोइड।
आइरिसय् सिलियरी व प्युपिलरी भाग दु। सिलियरी बडीय् सुप्रासिलियरी ल्यामिना, स्ट्रोमा, पिग्मेन्टेड इपिथेलियमयागु तह, नन-पिग्मेन्टेड इपिथेलियमयागु तह व इन्टर्नल लिमिटिङ मेम्ब्रेन दु। कोरोइडय् सुप्राकोरोइडल ल्यामिना, स्ट्रोमा व बेसल ल्यामिना दु।
युभियल ट्र्याक्टयात हि बीगु धों शर्ट पोस्टेरियर सिलियरी आर्टरी, लङ्ग पोस्टेरियर सिलियरी आर्टरी व एन्टेरियर सिलियरी आर्टरी खः। आइरिसयागु दथुयागु होयार प्युपिल वा मिखायागु नानी धाई। थ्व होयागु डायामिटरयात आइरिसयागु कन्स्ट्रिक्सन व डाइलेटेसन नं तप्वा व चीप्वा याई। आइरिसय् दुगु पिग्मेन्ट नं याना मनुयागु मिखायागु रङ्ग पाई। भुयु मनुतेगु आइरिसय् म्हो जक्क पिग्मेन्ट दै धासा हाकुपिं हप्सीतेगु मिखाले येक्व पिग्मेन्ट दै।
लेन्स
[सम्पादन]मिखायागु लेन्स छगु ट्रान्स्प्यारेन्ट, बाइकन्केभ वस्तु खः। थ्व वस्तुयात लेन्स क्याप्सुल, इपिथेलियम व लेन्स फाइबर नं देकातई। लेन्सय् क्याटाराक्ट जुया मनुनं मखने फु।
भिटरस ह्युमर
[सम्पादन]थ्व मिखायागु भिटरस च्याम्बरय् दैगु छगु जेल्ली थें न्यागु पदार्थ खः।