प्रोस्टेट ग्रन्थि
प्रोस्टेट ग्रन्थि (Prostate Gland) धइगु मिजं प्रजनन प्रणालीया छगू महत्वपूर्ण अङ्ग खः। थ्व ग्रन्थि ख्वसिं (Walnut) आकारया जुइ व थ्व मूत्रथैली (Urinary Bladder) या क्वे व मूत्रनली (Urethra) या प्यखें दयाच्वनी।
संरचना व थाय्
[सम्पादन]प्रस्टेट ग्रन्थि मानव म्हय् थथे लाः:
- आकार: साधारणतया २० ग्राम तौल दूगु छगू चिग्वःगु ग्रन्थि।
- थाय्: थ्व मूत्रथैलीया मूत पिहाँ वइगु मूल लागाय् च्वनी।
मू ज्या (Functions)
[सम्पादन]प्रस्टेट ग्रन्थिया मू ज्या प्रजनन स्वास्थ्य नाप स्वापू दु:
- वीर्य द्रव्य उत्पादन: प्रस्टेटं छगू तुयूगु व क्षारिय (Alkaline) द्रव्य उत्पादन याइ, गुकिं वीर्य (Semen) या ३०% भाग दयेकी। थ्व द्रव्यं शुक्रकीट (Sperm) यात रक्षा याइ व उमिगु गतिशीलता (Motility) अप्वयेकी।
- सुरक्षा: थुकिया क्षारिय गुणं मिसा प्रजनन नलीया अम्लीय वातावरणय् शुक्रकीटयात म्वाका तयेत ग्वाहालि याइ।
- चो प्रवाह नियन्त्रण: चो पिहाँ वइबलय् व वीर्य स्खलन (Ejaculation) जुइबलय् थ्व ग्रन्थिया मांसपेशीतय्सं उचित बाहाः वनेगु ज्या याइ।
समस्यात
[सम्पादन]मिजंतयगु उमेर नापनापं प्रस्टेटय् थी-थी समस्यात खनेदयेफु, गुकिया उपचारय् युरोलोजीया तःधंगु भूमिका दइ:
- BPH (Benign Prostatic Hyperplasia): उमेर अप्वया वनेबलय् प्रस्टेट ग्रन्थि तग्वयाः वनी, गुकिं यानाः चो फाये थाकुइ। थ्व क्यान्सर मखु।
- प्रोस्ताताइटिस (Prostatitis): प्रोस्टेट ग्रन्थिया इन्फ्लामेसन
- प्रोस्टेट क्यान्सर: मिजंतयगु म्हय् जुइगु दकलय् साधारण क्यान्सर मध्ये छगू। थुकिया सुरुवाती अवस्थाय् सीकल धासा शल्यक्रिया वा रेडिएसन पाखें उपचार याये फइ।
परीक्षण व निदान
[सम्पादन]- PSA Test: हि (Blood) परीक्षण पाखें प्रोस्टेट स्पेसिफिक एन्टिजेनया स्तर स्वयेगु।
- DRE (Digital Rectal Exam): चिकित्सकं प्रोस्टेटया आकार व बनावट स्वयेगु परीक्षण।
- बायोप्सी: क्यान्सरया आशंका जूसा मुलुं नमुना कयाः परीक्षण यायेगु।
ब्वनादिसँ
[सम्पादन]- Walsh, P. C., et al. (2012). Campbell-Walsh Urology.
- National Cancer Institute - Prostate Gland Facts.