रोएन्तजेनियम

रोएन्तजेनियम छगू रासायनिक तत्त्व ख। थ्व छगू संक्रमणकालीन धातु खः। थुकिया चिं Rg खः, अले थुकिया परमाणु ल्याः १११ खः।

थ्व तत्त्वया नां छम्ह जर्मन भौतिक विज्ञानी विल्हेम रोन्त्जेनया सम्मानय् तःगु ख।

आःतक थ्व प्रकृतिइ लुयावःगु मदुनि। थुकिया ७ गू आइसोटोप दु गुकि फुक्कं रेडियोधर्मी खः। आपाः आइसोतोपतेगु अर्धजीवन १.६ मिलिसेकेण्डनिसें २६ सेकेण्डया दथुइ जुइ। इनर्ट पेयर इफेक्टया हुनिं थुकी लुँया उं थें रंग जुइफु।

प्रयोगात्मक रसायनशास्त्र

रोएन्तजेनियमया रासायनिक गुणया निर्विवाद निर्धारण आःतक नं स्थापित जुइमफुनि छाय् धाःसा रोएन्तजेनियम आइसोटोप दयेकिगु प्रतिक्रियाया उत्पादन म्हो जक दु। ट्रान्सेक्टिनाइडय् रसायन म्हसीकेत म्होतिं नं प्यंगू एटम दयेकेमाः, छ्यःगु आइसोटोपया अर्धजीवन म्होतिं नं १ सेकेन्द जुइमाः, अले उत्पादनया दर वाःपतिकं म्हतिं नं छगू एटम जुइमाः । ^२८२ Rg, दकलय् स्थीर रोएन्टजेनियम आइसोटोपया अर्धजीवन १०० सेकेन्द दु, थ्व ई रासायनिक अध्ययन यायेत पर्याप्त ताःहाकःगु ई जुसां मेगु पंगः धइगु रोएन्तजेनियम आइसोटोपया उत्पादन दर अप्वयेकेमाःगु व प्रयोगयात वालंवाः बाय् छ ला तक न्ह्याकेमाःगु आवश्यकता दु गुकिं तथ्यांकीय ल्याखं महत्त्वपूर्ण लिच्वः प्राप्त यायेफइ । रोएन्तजेनियम आइसोटोपयात अलग यायेत व स्वचालित प्रणालीयात रोएन्तजेनियमया ग्यास-चरण व द्रावण रसायनय् प्रयोग यायेत निरन्तर रुपं पृथक्करण व दितेक्सन यायेमाः, छाय् धाःसा भारी तत्त्वया उत्पादन हल्का तत्त्वया उत्पादन स्वया म्हो जुइगु सम्भावना दु। पुचः ११या n s सबशेलय् सापेक्षवादी प्रभावया चरम विन्दु रोएन्जेनियमय् थ्यनिगु कारणं सैद्धान्तिक भविष्यवाणीइ यक्व विज्ञतेगु थ्व तत्वय् प्रारम्भिक रुचि दःसां रोएन्जेनियमया प्रयोगात्मक रसायनशास्त्रय् कोपर्निसियम निसें लिभरमोरियम तक्कया भारी तत्त्वया थें उलि ध्यान मब्यूनि । आइसोटोप ^२८० Rg व ^२८१ Rg रासायनिक प्रयोगया निंतिं आशाजनक खनेदु व मोस्कोभियम आइसोटोप ^२८८ Mc व ^२८९ Mcया (निहोनियम आइसोटोप ^२८४ Nh व ^२८५ Nh जुसें) निक्वःगु लिच्वःया रुपय् उत्पादन जुइफु; गुकिया प्रारम्भिक रासायनिक अनुसन्धान जुइधुंकूगु दु।

स्वयादिसँ

• तत्त्वमा