टिन

थ्व छगु तत्त्व (एलेमेन्ट) ख:|

नां

टिन खँग्वः जर्मनिक भाय् माचाछिया दथुइ छ्यलातःगु खनेदु अले पुनःनिर्माण यानातःगु प्रोटो-जर्मनिक भासय् *tin-om खँग्वलं वःगु खनेदु। थ्व धातुयात जर्मनय् Zinn व स्वीडिशय् tenn व डच भासय् tin धाइगु या। थ्व खँग्वः मेमेगु इन्दो-युरोपियन भासय् खनेमदु व जर्मनिक पाहाँखँग्वः दूगु भाय् ( दसु, आयरिशय् tinne) दुने धाःसा थ्व खँग्वः खनेदु।

टिनया लाटिन नां, स्तानम (stannum)या मूल अर्थ वहः व लेडया मिश्र धातु ख, व प्यंगूगु शताब्दीइ थ्व खँग्वःया अर्थ थौंकन्हय्या 'टिन' जुल —थ्व धातुया लातिन भासय् पुलांगु नां प्लम्बम क्यान्दिदम (plumbum candidum) ख गुकिया अर्थ "तुयुगु लेड" ख। Stannum न्हापायागु stāgnum वःगु खनेदु (गुकिया अर्थ थ्व हे पदार्थ ख), टिनया निंतिं रोमान्स व सेल्टिक खँग्वःया उत्पत्ति, गथेकि फ्रान्सेली étain, स्पेनिश estaño, इटालियन stagno, व आयरिश stán थ्व हे पुलांगु नामं जूगु ख। stannum/ stāgnum या व्युत्पत्ति धाःसा मथूनि; थ्व पूर्व- भारत-युरोपेली भासं वःगु खँग्वः जुइफु।