तर्किश भाषा

तर्किश
Türkçe
उच्चारण	Template:IPA-tr
मू भाषी जनसंख्या	Turkey, Cyprus, Bulgaria, Macedonia, Greece, Azerbaijan, Kosovo, Romania
Native speakers
भाषा परिवार	Turkic Oghuz Western Oghuz तर्किश
Early forms	Old Anatolian Turkish Ottoman Turkish तर्किश
मानक रुप	Ottoman Turkish (defunct)
भाषिका	Karamanli Turkish Cypriot Turkish
लिपि	Latin (Turkish alphabet) Turkish Braille
आधिकारिक अवस्था
आधिकारिक मान्यता	Turkey Cyprus Template:Country data Kosovo Template:Country data Northern Cyprus (de facto)
मान्य अल्पसंख्यक भाषा	Template:BIH Macedonia Template:ROM Template:IRQ
भाषा नियमन संस्था	Turkish Language Association
भाषा कोड
ISO 639-1	tr
ISO 639-2	tur
ISO 639-3	tur
भाषिक क्षेत्र	part of 44-AAB-a
Countries where Turkish is an official language.      Countries where it is recognized as a minority language.

तर्किश भाषा छगू भाषा खः। थ्व भाय् तर्किश भाषा परिवारय् ला। थ्व भाय् दक्षिणपूर्वी यूरोप व पश्चिमी एशियाय् ल्हाइगु या। थ्व भाय् अतोमन तर्किश भासं बुयावःगु खः। थ्व भाय् तर्किश भाषा परिवारया ओघुज भाषा पुचलय् छगू पश्चिमी ओघुज भाषा खः। थ्व भाषा पूर्व ओटोमन साम्राज्य दूगु थासय् ल्हाइगु या गुकिलि वर्तमान तर्की, बाल्कन, एजियन द्वीप, साइप्रस व मध्य पूर्व ला। एथनोलग कथं थ्यं-मथ्यं ९० मिलियन मनूतेसं थ्व भाय् ल्हाइ। नापं, थ्व भाय् हलिंया १७गू दकले अप्व ल्हाइगु भाय् खः। तर्की, उत्तरी साइप्रस व साइप्रस गणराज्यय् थ्व भासायात राष्ट्रीय आधिकारिक भाषाया दर्जा बियातःगु दु।

थ्व भासाया विशेष गुणय् एग्लुतिनेसन व सः सामंजस्य थें न्याःगु व्याकरणिक विशेषता खनेदु। थ्व गुण मेमेगु तर्कीश भासय् नं खनेदु। वाक्य संरचनाया सन्दर्भय् थ्व भासय् "विषय-वस्तु-विधेय" क्रम जुइ। तर्कीश भासय् व्याकरणिक लिंग (पुल्लिंग, स्त्रीलिंग, लिंग भेद) मदु। थ्व भासाया छुं खँग्वः अरबी , फारसी व फ्रेञ्च थें न्याःगु विदेशी भाषां थिंका काःगु खनेदु। थ्व नापं, तर्कीश अन्य ओगुज भाषात दसु: अजरबैजानी, गागौज व तुर्कमेनया खँग्वःत नाप यक्व पारस्परिक समानता खनेदु।

सन् १९२८स अतातुर्कया नेतृत्वय् वर्णमाला क्रान्ति धुंका तर्कीशयात तर्कीश वर्णमालाय् च्वयेगु यात, थ्व वर्णमाला लातिन आखलय् आधारित दु। मानक तर्कीशया नियमतेगु निरीक्षण तर्कीश भाषा संघं यानाच्वंगु दु। इस्तान्बुल भाषिका, गुकियात इस्तान्बुल तर्कीश धका नं म्हसीकिगु या; थ्व तर्कीशया मानक रूप खः व तर्कीश लिखित भाषा थ्व हे भाषिकाय् आधारित दु। दक्षिणपूर्वी यूरोप व मध्य पूर्वय् विभिन्न तर्कीश भाषिका ल्हाइगु या,व थ्व भाषिकातेगु इस्तान्बुल तर्कीश स्वया थीथी सः व व्याकरणीय संरचना पाः।

वर्गीकरण

भाषा परिवार वर्गीकरणय् तर्कीश तर्क भाषा परिवार नाप स्वापू दूगु भाषा खः। थ्व भाषा परिवारय् पूर्वी यूरोप, मध्य एशिया व साइबेरियाय् ल्हाइगु लगभग ३० जीवित भाषा दु। , थ्व भाय् शाज तर्कीश शाखा नाप स्वापू दूगु ओगुज भाषा पुचलय् लाः। थ्व भाषा परिवारया ओघुज पुचःया दुने थ्व भासा, रुमेलियन तर्कीश व गागौज भासायात पश्चिमी शाखा धकाः म्हसीकिगु या।

तर्कीश भाषापरिवारया भासा ल्हाइपिं दथुइ थ्व भासा लगभग ४३% मनूतेसं ल्हा। तर्कीश भाषा परिवारय थ्व भासा नापं अन्य मू भासय् अजरबैजानी, बश्किर, चुवाश, कजान तातार, कजाख, किर्गिज, नोगाई, उज़्बेक, तुर्कमेन व याकूत तुर्क भाषा ला। तर्कीया अन्य ओगुज भाषात दसु अजरबैजानी, गागुज, काश्काया व तुर्कमेन नाप थ्व भासाया यक्व समानता दु। नापं, किपचक पुचलय् दूगु भासात(दसु क्रीमियन तातार व उरुम भासा) ऐतिहासिक कथं अतोमन तर्किश भासीत नाप परस्पर खँल्हाबल्हा जुइगु कारणं थ्व पुचःया भासय् नं तर्किश भासाया पहः वः।

ल्हाइगु थाय्

तर्किश भाषा भाषा ल्हाइगु मू थाय् टर्की ख। थ्व भाषायात टर्कीइ आधिकारिक भाषाया कथं छ्यलिगु या। हलिमय् थ्व भाषा ल्हाइपिनिगु ल्या ८ कोटी ३० लखः दु।

नापं दक्षिणपूर्वी यूरोप व मध्य पूर्वया थीथी देसय् व क्षेत्रय् थ्व भाय् मूल वा निक्वगु भाषाया रूपं ल्हाइगु या। थ्व भाषा अनातोलिया, पूर्वी थ्रेस व साइप्रस द्वीपया उत्तरय् अधिकांश मनूतेगु मूल भाषाया रूपय् दयाच्वंगु दु। उत्तरी सीरिया व इराक, छुं एजियन द्वीप व पूर्व अटोमन साम्राज्यया दुने न्हापा दयाच्वंगु बाल्कनया दक्षिण व पूर्वय् च्वनिपिं तर्कीश अल्पसंख्यकतेसं थःगु मूल भाषाया रुपय् थ्व भाय् ल्हाइ।

सन् २००६या छगू अध्ययन अनुसार तर्कीइ च्वनिपिं ८४% मनूतेगु मूल भाषा तर्कीश खः। ल्यंगु प्रतिशत मनूत दसु कुर्द जातिया मनूतेसं नं थ्व भासायात द्वितीय भासाया रुपय् ल्हाइगु या।

साहित्य

तर्किश भाषा भाषाया साहित्य

स्वयादिसँ

• भाषा
• साहित्य