सुत्तविभंग बुद्ध धर्मया तिपिटक ग्रन्थया विनय पिटकया न्हापांगु भाग ख। थ्व खण्डय् निगु वग्ग पाराजिकपालि व पाचित्तियपालि दु। थ्व खण्डय् पतिमोक्ख वा भिक्षुतेगु अनुशासनया विषयय् खँ कनातःगु दु। बुद्ध धर्मया थीथी सम्प्रदायय् परिमोक्खयात छगू ब्यागलं खण्डया रुपय् तयेगु परम्परा दःसां पाली त्रिपिटकय् परिमोक्खयात सुत्त-विभङ्गय् तयातःगु दु। थुकिया उत्तरार्द्धय् क्रमशः भिक्षुतेत (भिक्खु-विभङ्ग, २२७ नियम) व भिक्षुणितेत (भिक्खुनी-विभङ्ग, ३११ नियम) नाप स्वापू दूगु निगु भागय् विभाजित दु।
