साल्भाडोर् डाली

किपा:Salvador Dalí 1954.jpg

साल्भाडोर् डाली

साल्भाडोर डाली ( ११ मे १९०४ – २३ जनवरी १९८९) छम्ह स्पेनिश अतियथार्थवादी (surrealist) कलाकार ख गुम्ह थःगु प्राविधिक सीप, सटीक ड्राफ्टम्यान्, व थःगु ज्याय् आकर्षक व विचित्र किपाया निंतिं नांजाः।

क्यातालोनियाया फिगुरेस (Figueres)य् बुयादिम्ह डालीं थःगु औपचारिक शिक्षा ललितकलाय् म्याड्रिडय् प्राप्त यात। ल्याय्म्हबलय् निसें हे प्रभाववाद (Impressionism) व पुनर्जागरणकालीन (Renaissanc) गुरुतेगु प्रभावय् वय्कःया आकर्षण क्यूबिज्म व एभान्ट-गार्डे ज्याझ्वलय् अप्वया वन। वय्कः सन् १९२०या दशकया लिपांगु इलय् अतियथार्थवादया लिक्क थ्यन व सन् १९२९इ अतियथार्थवादी पुचलय् दुहां झाल व याकनं हे वय्कः थुकिया मू प्रतिपादकत मध्ये छम्ह जुयादिल। वय्कःया दकलय् नांजाःगु कृति द पर्सिस्टेन्स अफ मेमोरी (The Persistence of Memory) सन् १९३१या अगस्टय् पूवन। दाली स्पेनिश गृहयुद्ध (१९३६ निसें १९३९)या ईलय् फ्रान्सय् च्वनादिल व सन् १९४०इ अमेरिकाय् वनादिल गन वय्कलं व्यावसायिक सफलता प्राप्त यानादिल। सन् १९४८इ वय्कः स्पेन लिहां झाल गन वय्कलं क्याथोलिक धर्मय् लिहां वयेगु घोषणा यानादिल व क्लासिकलवाद, रहस्यवाद व लिपांगु वैज्ञानिक विकासय् वय्कःया रुचिया आधारय् थःगु "आणविक रहस्यवाद" शैली विकास यानादिल।

डालीया कलात्मक योगदानय् चित्रकला, मूर्तिकला, संकिपा, ग्राफिक कला, एनिमेशन, फेसन, व फोटोग्राफी दु। गुबलें गुबलें मेमेपिं कलाकारतेगु सहकार्यय् नं वय्कलं ज्या यानादीगु दु। वय्कलं बाखं, काव्य, आत्मकथा, निबन्ध, व समालोचना नं च्वयादिल। वय्कःया कृतिइ मू विषयवस्तुइ म्हगस, अवचेतन, यौनिकता, धर्म, विज्ञान व वय्कःया दकलय् लिक्कया व्यक्तिगत स्वापू दुथ्याः। वय्कःया सनकी व आडम्बरपूर्ण सार्वजनिक व्यवहारं प्रायः वय्कःया कलाकृति स्वयां नं अप्वः ध्यान आकर्षित याःगु खः। वय्कःया फ्रान्कोवादी शासनयात सार्वजनिक समर्थन, वय्कःया व्यावसायिक गतिविधि व वय्कःया छुं लिपाया कृतिया गुणस्तर व प्रामाणिकता नं विवादास्पद जुयाच्वंगु दु। वय्कःया जीवन व ज्याया महत्त्वपूर्ण प्रभाव मेमेपिं अतियथार्थवादी, पप कला, लोक संस्कृति, व समकालीन कलाकारत गथेकि जेफय् लाःगु दु।