यातायात

यातायात धाःगु मनुतः, पशुतः व सामानत छगु थासँ मेगु थासय् यङ्केगु प्रक्रिया व साधन खः। यातायातया मुख्य उद्देश्य भौतिक रुपं तापाःगु थाय्या मनुतयेगु स्वापू व व्यापारयात अःपुका बीगु खः। थौंकन्हेया आधुनिक हलिमय् यातायात मानव सभ्यताया छगू मदयेक माःगु अंग जुयाच्वंगु दु। यातायातया साधनयात बँ-लँपु, लः व वायुमार्ग यानाः मू स्वंगू भागय् बायेछिं। बँ-लँ यातायातय् बस, कार, मोटरसाइकल, रेल व ट्रक थेंज्याःगु साधनत छ्येलिगु या। लःया यातायातय् नांचा, लःखः (ship), सबमरिन आदि लाः, गुकिं मू कथं समुद्र व खुसिइ मालसामान व मनुत यङ्केगु ज्या याइ। वायु यातायातय् फय्‌खः(aeroplane) हेलिकप्टर आदि लाः, गुकिं तसकं याकनं व तापाःगु दूरी पार यायेफु। यातायातया विकासं यानाः हलिमय् व्यापार, पर्यटन व उद्योगया क्षेत्रय् तःधँगु हिउपाः वःगु दु। बांलाःगु यातायात व्यवस्थां देय्‌या अर्थतन्त्रयात बल्लाकी। ग्रामीण व शहरी क्षेत्रयात स्वायेत नं यातायातया लँपुत तसकं महत्त्वपूर्ण जुइ। प्राचीन कालय् मनुत न्यासिवना बाय् पशु छ्यलाः यातायात याइगु खः। आःया युगय् प्रविधिया विकास नापं आधुनिक इन्जिनं न्ह्याइगु साधनत मू यातायात पहः जूगु दु। सार्वजनिक यातायातं तःधँगु ल्याखनय् मनुतयेत छथासं मेगु थासय् अःपुक्क थ्यंकेत ग्वाहालि याइ। यातायातया साधनं प्रदुषण थेंज्याःगु समस्या नं न्ह्यथंगु दु, गुकियात म्हो यायेत इलेक्ट्रीक वाहनया छ्येलेज्या अप्वया वःगु दु।

स्वयादिसँ

• रेल
• फय्‌खः
• लःखः
• विकिपिडिया:विकिज्याझ्वः यातायात