मलक्का जलसन्धि
.jpg)
मलक्का जलसन्धि हलिमया छगु मू जलसन्धि ख। हलिमया दकलय् अप्व मालवाहक लःखः जुइगु जलसन्धि थ्व हे ख। थ्व जलसन्धि मलेसिया, इन्दोनेसिया व सिंगापोरया सिथय् ला।
भूगोल
[सम्पादन]थ्व जलसन्धिया अवस्था थ्व कथं दु:
- पूर्वःमलेसिया
- पश्चिमःसुमात्रा
- उत्तरःमलेसिया
- दक्षिणःसुमात्रा
इतिहास
[सम्पादन]नां छुना
[सम्पादन]"मलक्का" नां परम्परागत रुपय् मलक्का सिमा ( Phyllanthus emblica ) नाप स्वापू दु, गुकियात इन्दियन गूजबेरी सिमा नं धाइ। थ्व सिमाया नां स्थानीय मलेय भासय् "मेलाका" ख व थ्व हे नामं थ्व जलसन्धिया नां वःगु विश्वास दु। ऐतिहासिक परम्परा कथं, परमेश्वर, छम्ह सुमात्राया राजकुमार व मलक्का सल्तनतया पलिस्थामिं, थःगु न्हुगु राज्यया निंतिं थ्व थाय् ल्यःगु ख गन आः मलक्का नगर दनाच्वंगु दु। वय्कलं थःम्हं आराम यानादीगु मलक्का सिमाया नामं उगु थाय् या नां "मेलका" तयादीगु खँ दु। कालान्तरय् "मलाक्का" नां थ्व नगरयात जक्क मखु, मलेय प्रायद्वीप व इन्दोनेसियाया सुमात्रा टापु दथुया रणनीतिक महत्त्वपूर्ण जलमार्गयात नं म्हसीकेत छ्यलीगु जुल, गुकियात थौं मलक्का जलसन्धिया नामं म्हसीकिगु या। [१]
आर्थिक महत्त्व
[सम्पादन]आर्थिक व सामरिक दृष्टिकोणं मलक्का जलसन्धि हलिमया दकलय् महत्त्वपूर्ण जहाज मार्गय् छगू ख।
थ्व जलसन्धि हिन्द महासागर व प्रशान्त महासागर दथुइ मू जहाज मार्ग ख गुकिलिं भारत, थाइल्याण्ड, इन्डोनेसिया, मलेसिया, फिलिपिन्स, सिंगापुर, भियतनाम, चीन, जापान, ताइवान, व दक्षिण कोरिया थें न्याःगु मू एसियाली अर्थतन्त्र स्वाइ। मलाक्काया जलसन्धि समुद्री रेशम मार्गया छगू भाग ख गुकिलिं चिनियाँ तटं भारतया दक्षिणी सिथय् मोम्बासा तक्क थ्यनि, अनं लाल सागर जुया सुएज नहर जुया भूमध्यसागर तक्क, अनं च्वयेया एड्रियाटिक क्षेत्रय् उत्तरी इटालियन हब ट्रिएस्टे व उत्तरी युरोपया रेल नाप स्वाइ। [२] [३] [४] २००८या ल्याखँ कथं दच्छिइ थ्व जलसन्धिं ९४,००० स्वया अप्व जहाज पुलाः वनि गुकिलिं थ्व जलसन्धियात हलिंया दकलय् व्यस्त जलसन्धि दयेकी, थ्व जलसन्धिइ हलिंया करिब २५% व्यापारिक सामान जुयावनि गुकिलि चिकं, चिनियाँ उत्पाद, ह्यंग्वाः, ताडचिकं व इन्दोनेसियन कफि ला। [५] समुद्रं यंकिगु दक्वं चिकंया थ्यं-मथ्यं प्य ब्वलय् छब्वः थ्व जलसन्धि जुया वनि, गुकिलि सामान मू कथं फारस खाडीया आपूर्तिकर्तातेगु एसियाली बजारय् वनि। सन् २००७इ थ्व जलसन्धिइ न्हिथं १ कोटी ३७ लख ब्यारेलया चिकं अनुमानित ढुवानी जुल, थ्व जलसन्धि सन् २०११य् न्हिं १ करोड ५२ लख ब्यारेल ढुवानी जुल [६] थ्व नापं थ्व थाय् हलिंया दकलय् अप्व जहाजतेगु हुल दइगु चोक प्वाइन्टय् नं छगू ख छाय् धाःसा थ्व जलसन्धिया ब्या फिलिप च्यानलय् (दक्षिणी सिंगापुरया लिक्क ) २.८ किमि (१.५ समुद्री माइल ) जक दु। [६]
स्वयादिसँ
[सम्पादन]
 |
विकिमिडिया मंका य् थ्व विषय नाप स्वापु दुगु मिडिया दु: Strait of Malacca |
लिधंसा
[सम्पादन]- ↑ The legendary Malaka tree. Forest Research Institute, Malaysia (25 April 2014).
- ↑ Mantoan, Benedetta (2019). The Maritime Silk Road in South-East Asia. (en-US).
- ↑ Sutton, H. I. (8 July 2020). Could The Indian Navy Strangle China's Lifeline In The Malacca Strait? (en).
- ↑ Can Singapore's shipping hub survive China's Maritime Silk Road? (en-US) (2019-03-30).
- ↑ Freeman, Donald B.. The Straits of Malacca: Gateway or Gauntlet?.. A book review citing this information can be found at University of Toronto Quarterly, Volume 74, Number 1, Winter 2004/5, pp. 528-530
- 1 2 World Oil Transit Chokepoints (2014).