पाक जलसन्धि

मन्नारया खाडि, रामसेतू, पाक बे, पाक जलसन्धि, बंगालया खाडी।

रामसेतू, पाक जलसन्धि व मन्नारया खाडी दथुइ।

पाक जलसन्धि भारतया तमिलनाडु राज्य व श्रीलङ्काया मन्नार जिल्लाया दथुइ दयाच्वंगु छगू जलसन्धि ख। रामसेतू थ्व हे जलसन्धिइ ला। थ्व जलसन्धिं उत्तरपूर्वया बंगालया खाडीयात पाक बे जुसें दक्षिणपश्चिमया मन्नारया खाडीनाप स्वाइ। थ्व जलसन्धिया ब्याः ३३ निसें ५० किमि दु। थ्व जलसन्धिइ थी-थी खुसि क्वचाइ, दसु तमिलनाडुया वैगै खुसि। थ्व जलसन्धिया नां बेलायती राज बिलय्‌या मद्रास प्रेजिदेन्सीया गभर्नर, रॉबर्ट पाक (Robert Palk),या नामं तःगु ख।

भूगर्भ

लिपांगु हिमयुगया इलय् ( आः स्वयां १,१५,०००-११,७०० दँ न्ह्यः ) समुद्रया सतह म्हो जूगुलिं, अबिले समुद्रया सतह वर्तमान सतह स्वया 120 मिटर (३९० फुट) चि-हाः जुया च्वन। अबिले थ्व चिजाःगु जलसन्धिया सकल क्षेत्र गंगु बँया रुपय् दयाच्वन। होलोसीनया ईले वर्तमान समुद्रया सतह तःजाना वल व करिब ७,००० दँ न्ह्यः, थ्व बँ जलसन्धिइ क्वबात। थुकिया उत्तर व दक्षिणया जःखःया लहर तसकं अखः दु। उत्तरय् बंगालया खाडीइ लहर अप्वः यानाः स्वेल जुइ धाःसा दक्षिणय् पाल्क खाडीइ लहर अप्वः यानाः चिधंगु वायु लहर जुइ । उल्लेखनीय तरंगया जाः अपेक्षाकृत म्ह्व जूइ व रामसेतु नापं औसत ०.५ मि जकः दु।

स्वयादिसँ

• जलसन्धि
• भूगोल