कारीमाटा जलसन्धि

A 1917 nautical chart of the strait, published by the United States Hydrographic Office

कारीमाटा जलसन्धि हलिमया छगु मू जलसन्धि ख।

इतिहास

संयुक्त राज्य अमेरिकाया हाइड्रोग्राफिक ज्याकुथिं पिथंगु थ्व जलसन्धिया सन् १९१७या समुद्री चार्ट।

थ्व थाय् यात १८गु व १९गु शताब्दीइ बेलायती नाविकतयेसं कारामाता मार्गया नामं म्हसीकिगु या। थ्व जलसन्धियात बेलायती लःखःतेसं जाभा आक्रमण (१८११)या निंतिं छगू मार्गया रुपय् छ्यःगु ख। इमिसं मलाक्काय् च्वंगु बेलायती अड्डा निसें थ्व ईले डच ईस्ट इन्डिजया छगू भाग जुयाच्वंगु जाभा टापुइ थ्यंगु ख। न्हापा न्हापा बेलायतीत थ्व जलसन्धिया व्यावहारिकताय् अनिश्चित जूगु व थ्व जलसन्धि वा बोर्नियोया उत्तरया चाकःलिं उत्तरपूर्वी मार्ग व मकासर जलसन्धि जुया वनेगु दथुइ संकोच याःगु खनेदु। मलाक्काय् तत्कालीन बेलायती अधिकारी सर थोमस स्ट्यामफोर्ड राफेल्सया छगू रिपोर्टं करिमाता मार्ग कायेगु सिफारिस याःगु खनेदु, गुकियात वय्कलं उगु ईले उत्तरपूर्वी मार्ग स्वया म्हो जोखिमपूर्ण तायेकादिल। राफेल्सं अनुमान यानादिल कि थ्व यात्राय् बेलायती लःखःपुचःयात छला निसें ६ वाःया दथुइ ई मालेफु। भारतया बेलायती गभर्नर-जनरल द लर्ड मिन्तों छुं नौसेना अधिकारीतेगु आपत्तियात कयाः राफेल्सया सुझाव कायेगु निर्णय यात। करिब १०० जहाज दूगु व करिब ११,००० सैनिकत ढुवानी याइगु थ्व लःखःपुचलं ११ निसें १८ जुन १८११या दथुइ मलाक्कां न्ह्यथन, व ३० जुलाईइ छगू सुचारु यात्रा धुंका जाभाया तटय् ठीक ६ वाः लिपा थ्यन।

सन् १९१५या संयुक्त राज्य अमेरिकाया हाइड्रोग्राफिक ज्याकुथिं पिथंगु छगू प्रकाशनय् थ्व जलसन्धि यक्व ब्या जूसां समानान्तर बंगका वा ग्यास्पर जलसन्धि थें न्याःगु यातायात मदु धकाः टिप्पणी याःगु दु। प्रकाशनय् च्वयातःगु दु कि थुकिया तःब्याया फाइदा दःसां जलसन्धिइ च्वंगु शोलया खतराया लिसें थुकिया अप्वः अनियमित धाराया चुनौति दु।

स्वयादिसँ

• जलसन्धि
• भूगोल