भर्जिल

विकिपिडिया नं
प्युब्लिस भर्जिलस मारो
बूं दिं: अक्टोबर १५, ७० बी सी
एन्डेज, उत्तर इटाली
सी दिं:सेप्टेम्बर २१, १९ बी सी
ब्रुन्डिसियम
ज्या: चिनाखँमि
राष्ट्रियता:रोमन साम्राज्य
साहित्यिक विधा:ग्रन्थ चिनाखँ
विषय:बुंज्या
साहित्यिक ज्याखं:अगस्टन चिनाखँ
दक्ले न्हापायागु कृति(s):एक्लग्स
प्रेरणा:होमर
प्रभावित च्वम्हि:राष्ट्रवादी ज्याखँ

प्युब्लिस भर्जिलस मारो (अक्टोबर १५, ७० बी सीसेप्टेम्बर २१, १९ बी सी), लिपा भर्जिलियस, छम्ह क्लासिकल रोमन चिनाखँमि ख। वेकलं एक्लग्स, जियोर्जिक्सएनिड, ( १२गु भागयु ग्रन्थ चिनाखँ गुकियात लिपा रोमन साम्राज्ययु देय् ग्रन्थ देकल) च्वयादिगु ख। दांते अलिघिएरीं वेकयु काल्पनिक पात्र द डिभाइन कमेडीय् छ्येलादिगु दु।

जीवन[सम्पादन]

भर्जिल सिस्‌अल्पाइन गौलय् म्यान्टुवा नापंयागु एन्डेजयागु छगु गांय् बुयादिगु ख। थ्व थाय् आयागु इटालीय् ला। वेकयागु पुर्खातेगु बारेय् येक्व जानकारी मदु। छुं शास्त्रीतेगु कथलं वेक बुगु थाय् व वेकयागु हरफय् "केल्टिक" स्ट्रेनयु आधारे वेकयात केल्टिक नश्लयागु मनु ख धका धागु दु धासा मेपिन्सं भाषिक वा जातीय आधारे वेकयात एट्रस्क्यान वा अम्ब्रियन जुइफुगु विचा तगु दु। वेकयागु नांयागु आधारे मनुतेसं वेक रोमन उपनिवेषकतेगु सन्तान ख धका विष्लेषण नं जुगु दु। तर छुं नं आधुनिक विचातेत वेकयागु च्वसु वा अब्लेयगु दस्ताबेजं पूर्ण समर्थन मया।

प्रारम्भिक ज्या[सम्पादन]

भर्जिलं थःगु प्राथमिक शिक्षा ५दं दुबिले न्ह्येथनादिल। वय्‌कः लिपा रोमय् र्हेटोरिक, चिकित्सा, व खगोल सीकेत वनादिल, तर वय्‌कलं रोमय् दर्शन ब्वनादिल। थ्व इले, सिरो इपिक्युरियनया पाठशालाय् दुबिले वय्‌कलं चिनाखँ च्वये न्ह्येथनादिल। वय्‌कःया थ्व ईयागु छुं चिनखँ आःतक्क नं दनि तर थ्व चिनाखँत नक्कली जुइफु धइगु यक्वया विचा दु। 'क्याटालेप्टन', धाःगु १४पू चीहाकगु चिनाखँया मुनेज्याया सफूलि छुं चिनाखँ वय्‌कया जुइ फुगु, मेगु छगु क्युलेक्स (पत्ति) धागु चिनाखँमुना भर्जिलं १गु शताब्दी एडीइ च्वयादीगु धइगु विश्वास दु। थ्व शंकास्पद चिनाखँ पुचःयात एपेन्डिक्स भर्जिलियाना धाइ।

इ॰ पू॰ ४२जुलियस सिजरयात स्यापिं मार्कस जुनियस ब्रुटसगायस केसियस लङ्गिनस तेत युद्धय् बुइके धुंका लिहांवपिं सेनातेसं इमिगु जग्गाय् च्वं वल। थ्व हे झ्वले भर्जिलया मन्तुवा नापंया छें नं इमिसं कयाबिल। थ्व हे वातावरण व ग्रामीण जीवनयागु मेमेगु पक्षयात स्वाना वय्‌कलं एकोलग्स धाःगु वय्‌कया दक्ले न्ह्यःया चिनाखँ च्वयादिल व मध्य ३० बीसीइ पिकानादिल।

भर्जिल मेसिनाजतेगु पुचःया छम्ह सदस्य जुयादिल। थ्व पुचः अक्टेभियनयागु agent d'affaires ख व इमिसं मार्क एन्थोनीया खलःयात कमजोर यायेत रोमन च्वमितेत अक्टेभियनया पहं लिनेगु ज्या यानादिल। वय्‌कलं थ्व हे झ्वले होरेसभेरियस रुफुज (वय्‌कलं एनीड क्वचायेकेत ग्वाहालि यानादीपिं) नापलानादिल। एकोलग्स सीधेके धुंका वय्‌कलं इ॰ पू॰ ३७इ॰ पू॰ २९ज्योर्जिक्स ("बुंज्याय्"), च्वयेगु सिधेकादिल व थुकियात वय्‌कलं मेसीयन्सतेत देछानादिल।

अक्टेभियनं एन्टोनीयात एक्टियनया युद्धय् इ॰ पू॰ ३१इ बुकादीधुंका "अगस्टस"या नां कयादिल व भर्जिलयात थःगु शासनया बांलागु खँ तया छपु काव्य च्वयेयात दबाब बियादिल।

स्वयादिसँ[सम्पादन]

पिनेयागु स्वापूत[सम्पादन]

विकिधापू य् थ्व विषयनाप स्वापु दुगु धापूत: दु:
Wikisource
Wikisource
विकिश्रोतय् वेक नाप स्वापु दुगु च्वसु दु:




The article above was originally sourced from Nupedia and is open content.

Persondata
नां Vergilius Maro, Publius
मेमेगु नां Vergil
चीहाकःगु विवरण Poet
बुगु तिथि October 15, 70 BC
बुगु थाय् Andes, North Italy
मदुगु तिथि September 21, 19 BC
मदुगु थाय् Brundisium