बायोलोजी (युनानी भाषा: βιολογία - βίος, बायोस्, "जीवन"; -λογία, -लोजिया) प्राकृतिक विज्ञानया छगू ख्यः ख। थ्व ख्यले प्राणी, प्राणीतेगु स्वापू व प्राणीया वातावरणया सीकेज्या जुइ। थ्व विज्ञानय् प्राणीतेगु संरचना, ज्या, ग्रोथ, उत्त्पत्ति, इभोलुसन, व प्राणीतेगु डिस्ट्रिब्युसनया वैज्ञानिक सीकेज्या जुइ। नापं थ्व विज्ञानय् प्राणीतेगु गुणया आधारय् वर्गीकरण व प्रजातिया उत्त्पत्तिया बारेय् अध्ययन जुइ। आधुनिक बायोलोजीया प्यंगु मूल सिद्धान्त ख: सेल सिद्धान्त, इभोलुसन, जेनेटिक्स व होमियोस्ट्यासिस।[१]
बायोलोजी छगू निश्चित विज्ञानया रुपय् १९गु शताब्दीइ विकास जुल। थ्व ईले वैज्ञानिकतेसं प्राणीतेगु आधारभूत गुणया सीका काल। आःया ईले बायोलोजी विद्यालय व विश्वविद्यालयतेगु आधारभूत पाठ्यक्रमया छगू विषय जुइ धुंकल। नापं थ्व विषयय् यक्व सफू, जोर्नल आदि नं नियमित कथं ध्वायेगु या। [२]
बायोलोजीया आपालं ख्यःत विशिष्टिकृत विषयया कथं सीकीगु या। परम्परागत कथं थ्व ख्यःयात बोटानी, वनस्पतिया सीकेज्या; जुलोजी, पशुया सीकेज्या; व माइक्रोबायोलोजी, माइक्रोअर्ग्यानिजमया सीकेज्याया कथं बायेगु या। हानं थ्व ख्यःतेत नं प्राणीयात सीकिगु तह व प्राणीयागु बारेय् जानकारी कायेगु तवः कथं हानं बायेगु या। बायोकेमिस्ट्रीइ जीवनया आधारभूत केमिस्ट्रीया अध्ययन जुइ; मोलेकुलर बायोलोजीइ बायोलोजिकल मोलेकुलया जटिल काये-बियेया अध्ययन जुइ; सेलुलर बायोलोजीइ सेलया अध्ययन जुइ; फिजियोलोजीइ प्राणीया टिस्यु व अर्ग्यान सिस्टमया भौतिक व रसायनिक ज्याया अध्ययन जुइ; इकोलोजीइ प्राणी व प्राणीया वातावरणया सम्बन्धया अध्ययन जुइ।
.jpg)
