एनाटोमी
एनाटोमी जीवित प्राणितयेगु (मनु, पशु, वनस्पति ) म्हया अध्ययन ख। थुकिलि म्ह चायेका म्हया भाग (अंग, ला व क्वंय् ) स्वेगु थें जुइ। एनाटोमी अध्ययन याइपिं मनुतयेसं अले छगु निश्चित अंग (वा क्वंय् वा ला) गन दयेमा व सामान्य रूपं गन दु धका स्वइ।
एनाटोमीया इतिहास 1600 BCEया तिथिँ न्ह्यथं गबले मिस्रमितयेसं मनुया म्ह संरचनाया अध्ययन न्ह्यथन। इमिसं सें, अम्पि, जालासें, नुगः आदि यक्व अंगया ज्या म्हसीकल व लसीका प्रणालीया संरचना व ज्या दकले न्हापा सीकिपिं मनुत ख।
शैक्षणिक मानव एनाटोमिस्टत साधारणतया विश्वविद्यालय, चिकित्सा विद्यालय वा शिक्षण चिकित्सालयय् ज्या याइ। वय्कःपिं आपालं एनाटोमीया ब्वंकेज्या, वा निश्चित प्रणाली, अंग, तन्तु व कोशिकातयेगु अनुसंधानय् संलग्न जुइ।
म्ह प्रणाली
[सम्पादन]मनुया म्हय् कार्डियोभास्कुलर प्रणाली (म्हया थी-थी थासय् हि इनिगु प्रणाली), ला प्रणाली (लाग्वारा व पुचः दैगु प्रणाली), नर्भस तंत्र (नर्भतयेत नियंत्रित याइगु प्रणाली), कवं (क्वें) आदि थी-थी प्रणाली दु। मनु एनाटोमी, फिजियोलोजी व बायोकेमिस्ट्री आधारभूत चिकित्सा विज्ञान ख गुकियात साधारण रुपं मेडिकल स्कूलया न्हापांगु दंय् स्यनिगु जुइ।
मेमेगु पौ
[सम्पादन]- चिकित्सा
- जीव विज्ञान
- पशु विज्ञान
- तुलनात्मक एनाटोमी
- अंग (एनाटोमी)
 |
विकिमिडिया मंका य् थ्व विषय नाप स्वापु दुगु मिडिया दु: Anatomy |