लःफय्
.png)
लःफय् धाःगु पृथ्वीया सतहया छगू क्षेत्रय् ताःहाकःगु ईया निंतिं तापक्रम, आर्द्रता, वायुमण्डलीय चाप, वायु, वा वइगु, व मेमेगु मौसमी स्वरुपया सामान्य अवस्था ख। साधारण खँग्वलय् धायेगु खःसा, लःफय् धयागु स्वीदँया औसत मौसमी अवस्था खः। लःफय् व मौसम पाः। मौसम धयागु वायुमण्डलय् न्हिथंया अवस्था खः।
ताजि
[सम्पादन]मौसमया ताजि थथे दु: उष्णकटिबंधीय, मरुभूमि/गंगु, समशीतोष्ण, ध्रुवीय, भूमध्यसागरीय ।
- ध्रुवीय लःफय्(बोरियल जलवायु नं धाइ), ताःहाकःगु, अप्वः धया थें तसकं ख्वाउँगु चिकुला, व चिहाकःगु ताल्ला दइ। दसुया निंतिं उत्तर व दक्षिण ध्रुवया लिक्कया थाय् कायेछिं।
- समशीतोष्ण लःफसय् प्यंगू मौसम दइ। समशीतोष्ण मौसम दुगु छुं देसय् अप्वः धया थें युरोपेली देय् ला।
- मरुभूमि लःफसय् तसकं गंगु अवस्था दइ। थन छगू-निगू मौसम जक दु गथेकि साउदी अरब व यक्व अफ्रिकी देय् ।
- उष्णकटिबंधीय लःफसय् लुमुगु तापक्रम व निगु जक्क मौसम दइ; प्याःगु व गंगु । उष्णकटिबंधीय मौसम दूगु थाय्या दसु ब्राजिलया अमेजन रेनफरेस्ट ख।
- भूमध्यसागरीय लःफसय् सामान्यतया ताल्लाबलय् तांन्वःगु व गंगु जुइ, अले चिकुलाबलय् ख्वाउँसे व प्याःगु जुइ । मेदितेरेनियन जलवायु दूगु देय्या छगू दसु स्पेन ख।
अक्षांश, बँ, व थाय्या जाः कथं छगू थाय्या लःफय् हिलेफु। समुद्र बाय् मेगु तःधंगु लःया स्रोत लिक्क लाःगु अवस्थां नं थुकियात असर याइ। लःफय् अप्वः धयाथें तापक्रम व वा वइगुया आधारय् ब्वथलिगु जुइ। दकलय् अप्व छ्येलिगु ब्वथला कोप्पेन जलवायु ब्वथला ख, गुकियात दकलय् न्हापां भ्लादिमिर कोप्पेनं दयेकूगु ख। सन् १९४८ निसें छ्येलिगु थोर्नथवेट प्रणालीस तापक्रम व वर्षाया जानकारी जक्क मखु, इभापोट्रान्सपिरेसन नं छ्येलिगु या। थुकिलिं गुलि थी-थी कथंया प्राणी प्रजाति दु, व जलवायु हिलेबलय् जुइफुगु खँया बारेय् अध्ययन यायेत उपयोगी जुइ। बर्जरन व स्पेसियल सिनोप्टिक ब्वथला प्रणालीं जलवायु दयेकेगु ज्याय् ग्वाहालि याइगु वायु द्रव्यमान गनं वइ धइगु खँय् अप्व ध्यान केन्द्रित याइ।
थी-थी विषय
[सम्पादन]स्वयादिसँ
[सम्पादन] |
विकिमिडिया मंका य् थ्व विषय नाप स्वापु दुगु मिडिया दु: Climate |