Jump to content

पारमिता

विकिपिडिया नं
बुद्ध धर्मया
पारमिता
 
१०ता पारमिता
दान
शील
नेक्खम्म
पञ्‍ञा
वीरिय
खन्ति
सच्‍च
अधिट्ठान
मेत्ता
उपेक्खा
   
 ६ता पारमिता 
दान
शील
क्षान्ति
वीरिय
ध्यान
प्रज्ञा
 
Colored items are in both lists.
बुद्ध धर्म पुचः



बुद्ध धर्मया इतिहास
बुद्ध धर्मय् कालचक्र
बुद्ध धर्मय् संघ

जग
चत्तरी आर्य सच्छनि
अरियो अट्ठङ्गीको मग्गो
पञ्चशील
निर्वाण · त्रिरत्न

मू विचाः
त्रिलक्षण
स्कन्ध · ब्रह्माण्ड · धर्म
हलिम · पूर्नजन्म · शून्यता
प्रतित्य-समुत्पाद · कर्म

मू मनुत:
गौतम बुद्ध
बुद्धयागु चेलात: · बुद्धयागु जहान

प्रयास व उपलब्धि
बुद्धत्त्व · बोधिसत्त्व
अर्हतयागु प्यंगु त्वाथत:
पारमिता · ध्यान

थाय कथंयागु बौद्ध धर्मावलम्बी
दक्षिणपूर्वी एसियाली · पूर्वी एसियाली
तिब्बती · भारतीय · पाश्चात्य

बुद्ध धर्मया कचात
थेरवाद · महायान
बज्रयान · प्राचीन मेमेगु ख्य:त:

ग्रन्थ
सुत्त पिटक · महायान सुत्र
बिनय पिटक · अभिधम्म पिटक

पुचः:समसामयिक बुद्ध धर्म
सांस्कृतिक पक्ष · विषय
बौद्ध धर्म

पारमिता वा पारमि बुद्ध धर्मय् पूर्णता दूगु, भिंगु, सर्वोत्तम, सर्वोच्च अवस्था ख। [१]

थी-थी पारमिता[सम्पादन]

पारमिताया अर्थ पारि थ्यंका बियेगु वा पुला वनेगु वा पुला वनेधुंकुम्ह धाःगु खः । संसारया दक्व दुःख व दुःखया हेतुपाखें पार जुइ धुंकुम्ह जूगुलिं पारमिता धाःगु खः । पालि भाषां थुकियात 'पारमी' धकाः धाइ । थुकियागु अभ्यासपाखें स्वयम् थः हे संसारया दुःखपाखें पार जुइगु व पार याकिगु खँ नापं सम्बन्धित जूगु जुया थुकियात पारमिता नामं म्हकिकेगु यानावयाच्वंगु खः । बुद्ध जुइत पारमिताया अभ्यास पूरा जुइमाःगु व बोधिसत्त्वं थ्व अभ्यास पूवंकूगु खः धैगु मान्यता दःसां पालि परम्पराय् सम्यक्सम्बुद्धताया मार्गया शिक्षा मदूगुलिं 'चरियापिटक' थें जाःगु छगू निगू संग्रह बाहेक वास्तवय् हे बोधिसत्त्व अभ्यासया दक्वं शिक्षायात कःधाःगु उपदेश पालिपरम्पराय् (हाल थेरवाद) गनं नं मदु । पालि परम्पराया दश पारमिता तिपितकया सुत्तपितकया खुद्दकनिकायया बुद्धवंश वग्गया निगुगु सुत्त सुमेधपत्थनाकथाय् १०गु पारमिताया वर्णन यानातःगु दु। थ्व कथं १०गु पारमिता क्वय् बियातःगु दु [२]-

  1. दानपारमि,
  2. सीलपारमि
  3. नेक्खम्मपारमि
  4. पञ्‍ञापारमि
  5. वीरियपारमि
  6. खन्तिपारमि
  7. सच्‍चपारमि
  8. अधिट्ठानपारमि
  9. मेत्तापारमि
  10. उपेक्खापारमि

महायान परम्पराय् अभ्यास याइगु दशपारमिताय् छुं छुं नां पाः अथे खःसां अवधारणा व सिद्धान्त फरक मजू । महायान कथंया दशपारिमताया धलः थुकथं दु ।

१. दान पारमिता

२. शील पारमिता

३. क्षान्ति पारमिता

४. वीर्य पारमिता

५. ध्यान पारमिता

६. प्रज्ञा पारमिता

७. उपाय पारमिता

८. प्रणिधान पारमिता

९. बल पारमिता

१०. ज्ञान पारमिता

हानं महायान परम्पराय् थ्व दशपारमितायात संक्षिप्तिकरणयाना षट्पारमिता अर्थात् खुगू कथंया पारमिता दूगु विधि कथं नं अभ्यास यायेगु याइ । थ्व मध्ये छुं छुं बोधिसत्त्वयानयागु नापं मिले जूसां छुं मिले मजू । मिलेमजूगु पक्षयात नं षट्पारमिताया अभ्यासं कःधाः । बोधिसत्त्वया प्रस्थानचित्तया शिक्षा थ्व हे षट्पारमितापाखें पूवनि । षट्पारमिताया धलः थुकथं दु -

१. दान

२. शील

३. क्षान्ति

४. वीर्य

५. ध्यान

६. प्रज्ञा ।


लिधंसा[सम्पादन]

स्वया दिसँ[सम्पादन]