केवट्टसुत्त

तिपिटक
		विनय पिटक
		सुत्त- विभंग खन्धक परि- वार
		सुत्त पिटक
		दीघ निकाय मज्झिम निकाय संयुत्त निकाय
		अंगुत्तर निकाय खुद्दक निकाय
		अभिधम्म पिटक
		ध॰सं॰ विभं॰ धा॰क॰ पुग्॰ क॰व॰ यमक पट्ठान

केवट्टसुत्त त्रिपिटकया दिघनिकायया छपू सूत्र वा सुत्त ख। थ्व सूत्रया नां छेँथुवा केवट्टया नामं वःगु ख। वय्कलं बुद्धंयात थःगु आध्यात्मिक श्रेष्ठता क्यनेत थीथी चमत्कारी शक्ति प्रदर्शन यायेगु इनाप यानादिल । बुद्धं वय्कःयात चमत्कारं आध्यात्मिक विकास लने मफइगु खँ कनादिल।

थ्व सूत्रया बुद्ध धर्म अध्ययनय् विशेष महत्व दु। थ्व सूत्रं बुद्ध धर्मय् जादू, शक्ति व अलौकिक क्षमताया पलेसा सत्य व गुणयात धर्मया लं धकाः कनातःगु दु ।

बाखँ

थ्व सूत्र दुनेया मूखँयात थथे याना विभाजित यानातःगु दु: केवट्टगहपतिपुत्तवत्थु, इद्धिपाटिहारियं, आदेसनापाटिहारियं, अनुसासनीपाटिहारियं, भूतनिरोधेसकभिक्खुवत्थु, तीरदस्सिसकुणुपमा।

केवट्टगहपतिपुत्तवत्थु वा केवेट्टया ऋद्धिप्रतिहार्य प्रार्थना:थ्व सूत्रय् च्वयातःगु दु कि भगवान बुद्ध छकः नालन्दाय् विज्याना दिल। नालन्दाय् च्वनिम्ह छम्ह केवट्ट नांया छेँथुवा (गहपतिपुत्तो) बुद्ध दूगु थासय् वया अभिवादन यातः। केवट्टं बुद्धयात नालन्दा सम्पन्न जूगु व थनया मनूपिं बुद्धया धर्म पालन या। भगवानं सुं छम्ह भिक्खुयात उत्तरिमनुस्सधम्मा (उत्तरीमनुष्य धर्म), व इद्धिपाटिहारि (ऋद्धिप्रतिहार्ग)क्यनादीसा नालन्दाया मनूपिं भगवान प्रति अझ अप्व समर्पित जुइगु खँ कनाः, स्वकः तक थन्याःगु धर्म स्यनादीत इनाप यात।

थुकिया लिच्वःया रुपय् बुद्धं स्वथी प्रातिहार्यया वर्णन यानादिल: ऋद्धिप्रातिहार्य (इद्धिपाटिहारियं), आदेशनाप्रातिहार्त (आदेसनापाटिहारियं), व अनुशासनीप्रातिहार्य (अनुसासनीपाटिहारियं)। वसपोलं थ्व स्वतां प्रातिहार्यया वर्णन यानादिल।

भूतनिरोधेसकभिक्खुवत्थु वा महाभूत निरुद्ध जुइगु उपदेश दु। थुकिलि प्यंगू महाभूत:पृथ्वी, आप, तेज, वायु (पालिभासय् पथवीधातु आपोधातु तेजोधातु वायोधातू) गन निरुद्ध जुइ वा दइमखु धाःगु न्हेसः या खँ कनातःगु दु। गुकिया उत्तरय् मखनिगु व रुप मदूगु विज्ञान(विञ्‍ञाणं) निरुद्ध नापं महाभूत मदयावनिगु खँ कनातःगु दु।

पिनेया स्वापू

• तिपिटक

भाय्हिला

• केवट्टसुत्त, थानिसारो भिक्खुया भाय्हिला
• केवट्टसुत्त, भिक्खु सुजातोया भाय्हिला