एन्देज दक्षिण अमेरिकाया मू च्वापूगुं श्रृङ्खला ख। थ्व हलिंया दकलय् ताःहाकःगु कन्तिनेन्तल हिमश्रृङ्खला ख। थ्व पर्वतमाला दक्षिण अमेरिकाया पश्चिमी तटय् दयाच्वंगु तज्जागु भूमिया श्रृङ्खला ख। थ्व पर्वतमालाया हाकः करिब ७,००० किमि (४,३०० माइल), ब्या २०० किमि (१२० माइल) निसें ७०० किमि (४३० माइल) (१८° दक्षिण व २०° दक्षिण अक्षांशया दथुइ दकलय् तब्या), व औसत जाः करिब ४००० मि (१३,००० फित) दु। थ्व पर्वतश्रृङ्खला ७गु दक्षिण अमेरिकी देय् जुया वनि। थ्व देय्त भेनेजुएला, कोलम्बिया, इक्वेदर, पेरु, बोलिभिया, चिलि व अर्जेन्तिना ख।