हिलो, हवाई

हिलो
राज्य	हवाई
को-अर्डिनेटत	१९.७०५५२° N १५५.०८५९१८° E
लागा
ई लागा	{{{time_zone}}}
जनसंख्या (2001)  - जनघनत्व	४०,७५९  -

हिलो संयुक्त राज्य अमेरिकायागु हवाई राज्ययागु छगु सिडिपि खः।

जनसंख्या

सन् २०००यागु तथ्यांक कथं थ्व थाय्‌या जनसंख्या ४०७५९ दु धा:सा थ्व थासय् १६०२६ खा छें दु।

भूगोल

थ्व शहरयागु अक्षांश १९.७०५५२ उत्तर व देशान्तर १५५.०८५९१८ पश्चिम खः (19.70552° N 155.085918° W)। थ्व थासय् १४०६०९३४४ वर्ग मिटर (५४.२८९५७४ वर्ग माइल) जमिन दु धा:सा १०७४११९४ वर्ग मिटर (४.१४७१९८ वर्ग माइल) ल दु।

इतिहास

ईस्वी सन् ११००या आसपास दकलय् न्हापां हिलो बासिन्दात थ्यन। इमिसं थः नापं पोलिनेसियाली ज्ञान व परम्परा नं हयादिल। पुरातात्विक प्रमाण म्हो जक दुसां मौखिक इतिहासय् प्राचीन हवाईया ईले वाइलुकु व वाइलोआ खुसिया सिथय् हिलोय् च्वनाच्वंपिं मनुतेगु यक्व सन्दर्भ दु। मौखिक इतिहासं हिलोया अर्थ "निङ्केगु वा ट्विस्ट यायेगु" धकाः बियातःगु दु।

मूल रुपं "हिलो" नां हवाई टापुया पूर्वी तटया यक्व भाग कःघानातःगु छगू जिल्ला ख, गुकियात आः दक्षिण हिलो जिल्ला व उत्तर हिलो जिल्लाय् बायातःगु दु। सन् १८२३इ विलियम एलिसं भ्रमण याःगु इलय् अनया मू बस्ती हिलो खाडीया दक्षिणी तटय् दूगु वाइआकेया ख। १९गु शताब्दीया सुरुनिसें मध्यय् मिसनरीत थ्व जिल्लाय् वल व इमिसं हैली चर्चया पलिस्था यात।

हिलोया विस्तार हिलो नापंया क्षेत्रय् तु बुंज्या नापं दयावःगु बुंज्यामि लजगा नापं दयावल व एसियां यक्व ज्यायाइपिन्त थन हल। दसुया निंतिं सन् १८८७ तक्क हवाईया तु सयेकेगु बुँइ २६,००० चिनियाँ ज्यामितयेसं ज्या यात, तुया ज्या नापं थन छगू हिलो चिनी मिल नं पलिस्था जुल। उगु इलय् हिलो सुगर मिलं दँय् ३५०० टन चिनी उत्पादन याइगु जुल।

हिलो, हवाई, १९०७

हिलो आइरन वर्क्स, १९२९

हिलो खाडी पार यानाः २० गूगु शताब्दीया न्हापांगु दशकय् ब्रेकवाटर दयेकेगु ज्या न्ह्याकूगु खःसा १९२९ स क्वचाल। सन् १९४६ अप्रिल १ खुन्हु अलेउटियन टापु लिक्क ८.६ म्याग्निच्यूडया भुखाचं हिलोय् ४.९ घण्टा लिपा वःगु सुनामीं हवाई टापुइ मुक्कं १५९ मनु मन्त व हिलोय् जक ९६ मनु मदया वन। थुकिया लिसलय्, छगू पूर्व चेतावनी प्रणाली, प्रशान्त सुनामी चेतावनी केन्द्र, सन् १९४९ य् थन्याःगु तरंगयात ट्र्याक यायेत व चेतावनी बीत पलिस्था जुल। थ्व सुनामीं हवाई कन्सोलिडेटेड रेलवेया अन्त्य नं यात, व हवाई बेल्ट रोड हिलोया उत्तरय् छुं पुलांगु रेलबेड छ्येला दयेकल।

सन् १९६० मे २२ खुनु चिलीया तटय् ९.५ रेक्टर स्केलया भुखाचं ब्वःगु मेगु सुनामीइ ६१ मनुतेगु ज्यान वन, मनुतेसं चेतावनी साइरनयात वास्ता मयाःगुलिं थथे ज्यानया क्षति जूगु धापू दु। न्हापा मनू च्वनिगु वाइआकेआ प्रायद्वीप व हिलो खाडीया नापंया शहरया क्वय् च्वंगु बेफ्रन्ट क्षेत्रयात पार्क व स्मारकया रुपय् पुनः देछायेगु ज्या जुल।

१९६० या दशकनिसें हिलोया आन्तरिक विस्तार जुल । डाउनटाउनं सन् १९८०या दशकय् नगरया सांस्कृतिक केन्द्रया रुपय् न्हुगु भूमिका लुइकल गुकिलि यक्व ग्यालरी व संग्रहालय चायेकल; प्यालेस थिएटर १९९८ य् आर्टहाउस संकिपाया रुपय् हाकनं चायेकल ।

सन् १९९०या दशकय् तु- बुँ ( हामाकुआय् च्वंगु नापं) बन्द जुइगुलिं स्थानीय अर्थतन्त्रयात असर यात, थ्व सामान्य राज्यव्यापी मन्दीया नापं मेल खन। लिपांगु दँय् हिलोय् ब्यापारिक व जनसंख्या वृद्धि जूगु खनेदु ।