सरस्वती

विकिपिडिया नं
सरस्वती
सरस्वती, विद्यायु देवी
सरस्वती, विद्यायु देवी
सीकेज्या, विद्या यागु द्य
संस्कृत: सरस्वती
स्वापू: देवी
थाय्: ब्रह्मपुर
Consort: ब्रह्मा
पर्वत: राजहंस, म्ह्योखा


सरस्वती हिन्दू धर्मय् विद्या, संगीत, कला, व विज्ञानया देवी ख। वय्‌कः ब्रह्मा नापं दइ व वय्‌कःयात ब्रह्माया शक्तिया रुपय् नं कायेगु या। वय्‌कःया ज्ञानं ब्रह्मां ब्रह्माण्ड दयेकूगु धैगु बाखँ दु। वय्‌कः"सरस्वती", "लक्ष्मी" व "पारवती" त्रिदेवीया छम्ह देवी ख। हिन्दू विश्वास कथं वय्‌कःपिं स्वम्हसिंयां त्रिदेव "ब्रह्मा", "विष्णु" व "शिव"यात ब्रह्माण्ड दयेकिगु, संकिगु व स्यंकिगुलि ग्वहालि यानादि। [१] वय्‌कःयात जैन धर्मय् नं पुज्याइगु या। [२]

सरस्वती बुद्ध धर्मय् नं देवीया रुपय् कायेगु या। वय्‌कःयात गौतम बुद्धया शिक्षायात स्येकेत ग्वहालि याइम्ह व धर्म रक्षा याइम्ह देवीया रुपय् कायेगु या। बर्मेली भाषाय् वय्‌कःयात थुराथदी (သူရဿတီ, pronounced: [θùja̰ðədì] or [θùɹa̰ðədì]) वा तिपितक मेदओ (တိပိဋကမယ်တော်, pronounced: [tḭpḭtəka̰ mɛ̀dɔ̀]), चिनियाय् Biàncáitiān (辯才天), थाइ भाषाय् सुरासवादी (สุรัสวดี) व जापानी भाषाय् बेन्जाइतेन (弁才天/弁財天) धाइ।

वन्दना[सम्पादन]

सरस्वतीया वन्दना थ्व कथं दु-

सरस्वती मया दृष्टा, वीणापुस्तक धारिणी, हंशबहान संयुक्ता, विद्या दान करोतुमे

गुकिया अर्थ "ममतामय दृष्टि दूम्ह वीणा व सफू ज्वनाच्वंम्ह, हेँ ग्यादिम्ह सरस्वती देवी जितः ज्ञान बियादिसँ" ख।

लिधंसा[सम्पादन]

  1. Encyclopaedia of Hinduism, p. 1214; Sarup & Sons, ISBN 978-81-7625-064-1
  2. Birmingham Museum of Art (2010). Birmingham Museum of Art : guide to the collection. [Birmingham, Ala]: Birmingham Museum of Art, 55.

स्वयादिसँ[सम्पादन]