विलियम शेक्स्पियर
| विलियम शेक्सपियर | |
|---|---|
 विलियम शेक्सपियर | |
| बूगु | Baptised 26 April 1564 (birth date unknown) Stratford-upon-Avon, Warwickshire, England |
| मदूगु | 23 April 1616 (aged 52) Stratford-upon-Avon, Warwickshire, England |
| ज्या | Playwright, poet, actor |
| साहित्यिक आन्दोलन | English Renaissance theatre |
| जीवनसाथी | Anne Hathaway (m. 1582–1616) |
| मचा | Susanna Hall Hamnet Shakespeare Judith Quiney |
| थः-थिति | John Shakespeare (father) Mary Shakespeare (mother) |
| Signature |  |
विलियम शेक्सपियर (ब्याप्ताइज्द २६ अप्रिल, १५६४ - २३ अप्रिल १६१६) छम्ह अंग्रेजी चिनाखँमि व नाटककार ख। वय्कःयात अंग्रेजी भाषाया दक्कले महान च्वमि व हलिमया सुप्रसिद्ध नाटककारया कथं नालेगु या। [१] [२] [३] [४] [५] [६] वय्कःयात इङ्ल्याण्डय् राष्ट्रीय चिनाखँमि व बार्द अफ एभन धका नालेगु या। वय्कःया उपलब्ध कृतिइ ३८ नाटक , १५४ सोनेट, २ ताःहाकःगु वर्णनात्मक चिनाखँ तथा अन्य यक्व चिनाखँ दु। वय्कःया नाटक हलिमया प्रायः सकल भाषाय् अनुवादित जुगु दु। नापं वय्कःया नाटक मेमेपिं नाटककारतयेगु तुलनाय् अप्व मञ्चन जूगु दु। शेक्सपियरया जन्म व वय्कःया पालन पोषण एभन खुसिया सिथय् अवस्थित स्ट्र्र्याटफोर्ड/ स्ट्र्याटफोर्ड अपोन एभनय् जुल। १८ दँ दुबिले वय्कलं एने ह्याथवे नाप इहिपा यानादिल। थ्व इहिपां स्वम्ह मस्त बुल- सूजेन, व जुम्ल्याहा ह्याम्नेट व जुडिथ। सन् १५८५ व सन् १५९२या दथुइ वय्कलं लण्डनय् छम्ह अभिनेता, च्वमि, तथा नाटक कम्पनी, दी लर्ड चम्बेर्लेंस मेन (लिपाकिङ्गस् मेन)या आंशिक थुवाया कथं सफल पेसा न्ह्यथनादिल। वय्कः करिब सन् १६१३इ स्ट्र्याटफोर्डय् वनादिल। थन हे ३ दँ धुंका वय्कः मदयादिल।
शेक्सपियरया निजी जीवननाप स्वापू दूगु छुं तथ्य दसु वय्कःया कामुकता, धार्मिक विश्वास व वय्कःया कृतित वास्तवय् मेपिन्सं च्वगुया बारेय् थी-थी मत खंनेदु। शेक्सपियरया दक्कले प्रसिद्ध कृतितयेगु रचनाकाल सन १५९० इस्वी निसें सन १६१३ इस्वी सन् तक्कया ई ख। वय्कःया प्रारम्भिक नाटक मुख्यतः हाँस्य प्रधान/प्रहसन व ऐतिहासिक ख। थुकिलि १६गु शताब्दीया अन्त्यय् थ्यंबिले वय्कःया शैली अभिजात्यता व कलात्मकताया शिखरय् थ्यं। करिब सन १६०८ इस्वी तक्क वय्कलं मू रूपय् दुखान्त नाटक च्वयादिल, गुकिलि ह्याम्लेट, किङ लियर व म्याकवेथ, अंग्रेजी भाषा साहित्यया बेजोड दसुया रुपय् नालिगुया। थःगु साहित्य यात्राया अन्तिमकालय् वय्कलं दुखान्त हाँस्य कृति च्वयादिल, गुकियात रोमान्सया नामं म्हसीकिगु या। नापं, थ्व हे कालय् वय्कलं मेमेपिं नाटककारनाप जाना ज्यायानादिल। वय्कःया यक्व नाटक, वय्कःया जीवनकालय् हे यक्व संस्करण व विवरणया यथार्थताया दृष्टिं पृथक रूपय् पिथन। १६२३ इस्वी सन्य् वय्कःया थिएटर /नाट्य पुचलं फर्स्ट फोलियो पिथन। थ्व फोलियोया अन्तरगत वय्कःया निगु त्वता सकल नाट्य कृतित संग्रहित जुल। शेक्सपियर थःगु हे ईया छम्ह सम्मानित चिनाखँमि व नाटककार ख। १९गु शताब्दी स्वया न्ह्यः वय्कःया प्रतिष्ठां वर्तमान स्वरुप मकानि। रोमान्टिक्सया चलन थ्व ईले प्रचलित जुल। थुकिलिं याना शेक्सपियरया प्रतिभाया प्रशंसा जुल व भिक्टोरिन्सया हिरोया रुपय् वय्कः स्थापित जुयादिल।
च्वखँ
[सम्पादन]शेक्सपियरया नाटकया यथार्थ कालक्रमया बारेय् यक्व विवाद दुसां शैलीगत कथं वय्कःया नाटकतेत स्व पुचलय् बायेछिं:
- इतिहास व ख्यालि
- वियोगान्त वा त्रासदी
- लिपांगु रोमान्स
क्यानोनिकल प्याखं
[सम्पादन]क्वय् बियातःगु नाटकत (लिखँयात त्वःता) सन् १६२३या न्हापांगु फोलियोय् दुथ्याःगु सुइखुगू नाटकया धलः ख।
नोट: LR चिं दूगु नाटकयात आः सामान्यतया "शेक्सपियरया लिपांगु रोमान्स" कृति धकाः म्हसीकिगु या।
PP चिं दूगु नाटकतेत शेक्सपियरया प्रब्लेम प्ले (problem play) धकाः म्हसीकिगु या।
FF चिं दूगु स्वपु नाटक न्हापांगु फोलियोय् मदु।
लिधंसा
[सम्पादन]- ↑ ग्रीन्ब्लात्त, स्टीफन (२००५). विल यी द वर्ड :शेक्सपियर, शेक्सपियर कसरी बने .लण्डन : पिमलिको,११
- ↑ आईएसबीएन ०७१२६००९८१.
- ↑ बेविन्गतोन डेविड २००२
- ↑ शेक्सपियर, १–३.अक्सफोर्ड : ब्ल्याकवेल.आईएसबीएन ०६३१२२७१९९.
- ↑ वेल्स, स्टेनली (१९९७).
- ↑ शेक्सपियर: ऐ लाइफ यी ड्रामा.न्यूयोर्क: डब्ल्यूडब्ल्यूनोर्टन, ३९९.आईएसबीएन ०३९३३१५६२२