माहिओले

माहिओले
माहिओले पुनाच्वंम्ह मनू
दयेकिगु सामान	पपू पा व स्वांमाया तन्तु
दयेकूगु तिथि	१८ गूगु शताब्दी
वर्तमान थाय् बाय्	ब्रिटिश म्युजियम , लण्डन नापं थी थी म्युजियम

माहिओल हवाईयन भासय् हवाईया अलिई(aliʻi)कूलीन पुचःया मिजंमनूतेसं पुयेगु झंगःया पपूया पां दयेकातःगु मुकुट ख। थ्व मुकुटयात आहु उला (ʻahu ʻula) नापं पुनेगु या। थ्व मुकुट अलिई वर्गया निंतिं आरक्षित उच्चतम पदया प्रतीक ख। हलिंन्यंकया संग्रहालयस थुगु परम्परागत मुकुटया दसुत दु। क्याप्टेन कुकया समुद्री यात्राया झ्वलय् थुकी मध्ये झिंखुगू स्वया अप्व माहिओले मुंकूगु दु। थ्व मुकुट झंगःया पा थाना दयेकातःगु संरचना ख। हलिमय् पा थाना दयेकिगु पा-ज्या(Featherwork)या थ्व छगू उच्च कलाया दसु ख।

स्वरुप

हवाईवासीतेसं तपुलि मपुइगु जूसां युद्धया इलय् अलिईया नायःतेसं विशेष रुपं थानातःगु मुकुट पुनिगु या। थ्व मुकुटयात प्राचीन यवनया हेलमेटनाप तुलना यानातःगु दु। नापं, संयोगवश लद्दाख व सँदेय्या या बुद्ध धर्मया गुरुतेसं पुनिगु तपुलि नाप ज्वः। महिओलया संरचना बास्केट्री फ्रेमया तपुलि(basketry frame cap) ख गुकिया दथुया च्वका कपाः दथुइ निसें गःपःया दथुक्वँय् तक्क थ्यनि। थुकिया डिजाइनय् यक्व भिन्नता दु गुकिलि पाया रंग व व्यवस्था पाइ व च्वकाया जाः व हाकः पाः। यक्वं संग्रहालयतय्के थीथी डिजाइन व संरक्षणया चरणय् दूगु यक्वं दसुत दु। थ्व नाप स्वापू दूगु हवाई खँग्वः ओकि माहिओले (Oki Mahiole)या अर्थ थन्याःगु सं-पहः (haircut) ख गुकिलि संया छगू पट्टी जक त्वःताः तइ। हवाईया द्यः कु-का-इलि-मोकु (Kū-ka-ili-moku)या मूर्तिइ गबलें गबलें थन्यागु हे आकारया छ्यं न्ह्यब्वया तःगु खनेदु।

संग्रहालयस माहिओले

हलिंया थीथी संग्रहालयस नांजाःगु माहिओले ब्वयातःगु दु। थुकिया छुं नांजाःगु दसुत थ्व कथं दु:

• बर्निस पी. बिशप संग्रहालय, होनोलुलु
• ब्रिटिश म्युजियम, लण्डन
• म्युजियम अफ एथ्नोलोजी, भियना
• न्यूजिल्याण्डया ते पापा तोंगारेवा संग्रहालय, वेलिंगटन

स्वयादिसँ

• हवाई