मिदवेस्तर्न संयुक्त राज्य अमेरिका

Monks Mound

Winnebago

मिदवेस्तर्न संयुक्त राज्य अमेरिका ( मिदवेस्त वा मध्यपश्चिम हार्टल्याण्ड वा अमेरिकन मिदवेस्त नं धाइ) संयुक्त राज्य अमेरिकाया जनगणना ब्यूरों परिभाषित याःगु प्यंगू जनगणना क्षेत्रय् छगू ख। थ्व संयुक्त राज्य अमेरिकाया उत्तरी मध्य भागय् ला। सन् १९८४ तक्क अमेरिकी जनगणना ब्यूरों थ्व थाय् यात आधिकारिक रुपं उत्तर मध्य क्षेत्रया नां बियातःगु ख। थ्व उत्तरपूर्वी संयुक्त राज्य अमेरिका व पश्चिमी संयुक्त राज्य अमेरिकाया दथुइ ला, व थुकिया उत्तरय् क्यानाडा व दक्षिणय् दक्षिणी संयुक्त राज्य अमेरिका ला।

अमेरिकन जनगणना ब्यूरोया परिभाषाय् उत्तरी मध्य संयुक्त राज्य अमेरिकाया १२गु राज्य दु: इलिनोइ, इन्डियाना, आयोवा, क्यान्सास, मिशिगन, मिनेसोता, मिजौरी, नेब्रास्का, नर्थ दाकोता, ओहायो, साउथ दाकोता, व विस्कन्सिन । थ्व क्षेत्र सामान्यतया एपलेचियन पर्वः झ्वः व रकी पर्वः झ्वःया दथुइ ब्याःगु दुनेया ख्यलय् ला। थ्व क्षेत्रया मू खुसिइ पूर्वं पश्चिम तक्क ओहायो खुसि, अपर मिसिसिपी खुसि व मिसौरी खुसि ला। सन् २०२०या संयुक्त राज्य अमेरिकाया जनगणना कथं मिदवेस्तया मनूल्या ६८,९९५,६८५ दु। मध्यपश्चिमयात अमेरिकी जनगणना ब्यूरों निगु खण्डय् बायातःगु दु। पूर्व उत्तर मध्य विभागय् इलिनोइ, इन्डियाना, मिशिगन, ओहायो, व विस्कन्सिन ला, थ्व फुक्कं ग्रेट लेक्स क्षेत्रया नं भाग ख। पश्चिम उत्तर मध्य विभागय् आयोवा, क्यान्सास, मिनेसोता, मिजौरी, नर्थ दकोता, नेब्रास्का व साउथ दकोता ला, गुकिया आपाः वा छुं भचा क्षेत्र ग्रेट प्लेन्स क्षेत्र दुने ला।

शिकागो अमेरिकी मध्यपश्चिमया दकलय् अप्व मनूल्या दूगु नगर ख व संयुक्त राज्य अमेरिकाया स्वंगुगु दकलय् अप्व जनसंख्या दूगु नगर ख। शिकागो व थुकिया उपनगरतेत खँल्हाइगु भासय् शिकागोल्याण्डया नामं म्हसीकेगु या। १ कोटि मनु नापं थ्व नगर मिदवेस्तया दकलय् तःधंगु महानगरीय क्षेत्र खः धाःसा उत्तर अमेरिकाया प्यंगूगु दकलय् तःधंगु महानगरीय क्षेत्र ख: ग्रेटर मेक्सिको सिटी, न्यूयोर्क महानगरीय क्षेत्र व ग्रेटर लस एन्जलस धुंका। मेमेगु तःधंगु मध्यपश्चिमी नगरय् कोलम्बस, इन्डियानापोलिस, दित्रोइत, मिल्वाकी, क्यान्सास सिटी, ओमाहा, मिनियापोलिस, क्लिभल्यान्द, सिनसिनाटी, सेन्ट पल, व सेन्ट लुइस ला। तःधंगु मध्यपश्चिमी महानगरीय क्षेत्रय् मेट्रो दित्रोइत, मिनियापोलिस–सेन्ट पल, ग्रेटर सेन्ट लुइस, सिनसिनाटी मेट्रो क्षेत्र, क्यान्सास सिटी मेट्रो क्षेत्र, कोलम्बस मेट्रो क्षेत्र, इन्डियानापोलिस मेट्रो क्षेत्र, ग्रेटर क्लिभल्यान्द, व मिल्वाकी महानगर क्षेत्र ला।

थ्व क्षेत्रया अर्थतन्त्रय् आपालं तः-तः धंगु उद्योग/ज्यासःछेँ (कारखाना) व बुँज्या मिश्रण दु, गुकिया व्यापक क्षेत्र संयुक्त राज्य अमेरिकाया कर्न बेल्टया भाग ख। वित्त व सेवा गथेकि चिकित्सा व शिक्षाया महत्व अप्वया वनाच्वंगु दु । थ्व थाय् या केन्द्रिय स्थितिं थनयात खुसिया लःखः, रेल-लं, अटो, ट्रक, व हवाईजहाजया निंतिं यातायातया केन्द्र दयेकी। राजनीतिक रुपं, थ्व क्षेत्रय् यक्व स्विंग राज्यत दुथ्याः, व उकिं थनया राज्यय् तसकं धेधेबल्ला जुइ व थनया राज्य प्रायः चुनावय् निर्णायक जुइ।

नांछुना

मिदवेस्त खँग्वः १९गु शताब्दीया लिपतय् निसें सामान्य छ्येलेज्याय् दयाच्वंगु दु। थ्व थाय्‌या मेमेगु पुलां नां आः प्रचलनय् मदु। छुं थन्याःगु पुलां नामय् "उत्तरपश्चिम" (Northwest), "पुलां उत्तरपश्चिम" (Old Northwest), "मध्य-अमेरिका" (Mid-America) वा "द हार्टल्याण्ड" (the Heartland) ला।

भूगोल

मध्यपश्चिमया बँय् छुं च्वापुगुं व पर्वः त्वता आपालं थासय् ख्यः दु। थनया चकंगु ख्यःयात ग्रेत प्लेन्स (Great Plains) धाइ। अपर मिसिसिपी स्वनिगःया सुदूर उत्तरी भागयात ड्रिफ्टलेस एरिया (Driftless Area)या नामं म्हसीकिगु या। थ्व क्षेत्रय् मू कथं पश्चिमी विस्कन्सिन केन्द्रित तसकं रुक्ष पहाडया क्षेत्र ला, यद्यपि थ्व क्षेत्रय् उत्तरपूर्वी आयोवा, दक्षिणपूर्वी मिनेसोता व उत्तरपश्चिम इलिनोइया चिधंगु भाग ला। विस्कन्सिनया ओकूच पर्वतय् (Ocooch Mountains) ड्रिफ्टलेस क्षेत्रया दकलय् तजाःगु च्वका दु। नापं, ओजार्क पर्वः झ्वःया उत्तरी भाग दक्षिणी मिसौरीइ ला। प्रेरी (Prairie) घाँय्ख्यलय् मिसिसिपी खुसिया पश्चिमय् च्वंगु अधिकांश राज्यत दु। थनया पश्चिमी नर्थ दाकोटा व साउथ दाकोटाय् बट्स धाःगु चट्टानी क्षेत्र व पर्वः (थियोडोर रुजभेल्ट राष्ट्रिय निकुञ्ज व ब्यादल्यान्द्स राष्ट्रिय निकुञ्ज), व पश्चिमी क्यान्सास व नेब्रास्काय् रकी च्वापुगुं झ्वःया पूर्वी बेस दु।। मध्यपश्चिमी संयुक्त राज्य अमेरिकाया पूर्वी भाग स्वयां पश्चिमी भागय् म्हो जक वा वइ। थुकिं यानाः थी थी कथंया प्रेरी दयावइ। मध्यपश्चिमया अप्व भागयात आः "नगर क्षेत्र" वा "बुंज्या क्षेत्र"य् बायातःगु दु। उत्तरी मिनेसोता, मिशिगन व विस्कन्सिन, व ओहायो खुसिया स्वनिगलया क्षेत्रय् यक्व विकास मजूनि।

शिकागो थ्व क्षेत्रया दकलय् तःधंगु नगर ख, व शिकागो धुंका दित्रोइत व इन्डियानापोलिस ख। थ्व क्षेत्रया छुं मेमेगु महत्त्वपूर्ण नगरत थ्व कथं दु: मिनियापोलिस- सेन्ट पल ,क्लिभल्यान्द, सेन्ट लुइस, क्यान्सास सिटी, मिल्वाकी, सिनसिनाटी, कोलम्बस, दि मोइन, व म्याडिसन।

जनसांख्यिकी

जाति (२०२२)	जनसंख्या	शेयर जनसंख्या
कुल	६८,७८७,६००	१००.०%
तुयू/ह्वाइत (गैर-हिस्पेनिक)	५०,१८६,६२८	७३.०%
एफ्रिकन अमेरिकन (गैर-हिस्पेनिक)	६,७९७,६०९	९.९%
एसियन अमेरिकन (गैर-हिस्पैनिक)	२,३८३,१५६	३.५%
आदिवासी अमेरिकी (गैर-हिस्पैनिक)	२६८,८४५	०.४%
प्रशान्त टापुवासी (गैर-हिस्पैनिक)	४१,६३०	०.१%
बहुजातीय (गैर-हिस्पैनिक)	२,९०१,६०६	४.२%
छुं मेगु जाति (गैर-हिस्पेनिक)	२९३,२८८	०.४%
हिस्पेनिक बाय् लाटिनो (छुं नं जातियाम्ह)	५,९१४,८३७	८.६%

मध्यपश्चिम अमेरिकाया ऐतिहासिक नश्लीय रचना (१८९०-१९६०)

नश्लीय संरचना	१८९०	१९००	१९१०	१९२०	१९३०	१९४०	१९५०	१९६०
ह्वाइत	९७.८%	९७.९%	९८.०%	९७.५%	९६.५%	९६.३%	९४.७%	९३.०%
एफ्रिकन अमेरिकन	१.९%	१.९%	१.८%	२.३%	३.३%	३.५%	५.०%	६.७%
एसियन अमेरिकन	०.०%	०.०%	०.०%	०.०%	०.०%	०.०%	०.१%	०.१%
आदिवासी अमेरिकी	०.३%	०.२%	०.२%	०.२%	०.२%	०.२%	०.२%	०.२%

अर्थव्यवस्था

बुँज्या व कृषि

ट्राभर्स सिटी, मिशिगनया लिक्क छगू पास्टोरल फार्मया लु, छगू क्लासिक अमेरिकी ह्याउँगु गोदामलिसे

लजि

उसाँय्

मध्यपश्चिमी संयुक्त राज्य अमेरिकाय् समग्र अवस्था, तीव्र अवस्था, व पुलांगु अवस्थाया निंतिं सम्भावित रोकथाम यायेफइगु अस्पतालय् भर्ना जुइगु दर सन् २००५ निसें २०११ तक्क म्हो जुल।