भाय् माचाछि
भाय् माचाछि थीथी स्वापू दूगु भाय्तेत मुंकाः दयेकातःगु भाय् तेगु पुचः ख। हलिंया सकल भाय्तेत थीथी पुचलय् स्वानाः हलिंया भाय् माचाछिया छगू यचूगु रुप म्हसीकेछिं।
ताजि व ब्वथला
[सम्पादन]हलिंया मू भाय् माचाछि थथे दु-
- अफ्रो-एसियातिक भाषा परिवार
- अल्ताइक भाषा परिवार
- अस्त्रोएसियातिक भाषा परिवार
- अस्त्रोनेसियन भाषा परिवार
- इस्किमो-एल्युत भाषा परिवार
- उतो-एज्तेकान भाषा परिवार
- क्रियोल भाषा
- चीन-सँदेय् भाषा परिवार
- ताइ-कदाइ भाषा परिवार
- दयेकातःगु भाषा
- देने-येनेसियन भाषा परिवार?
- द्रविड भाषा परिवार
- नाइजर-कङ्गो भाषा परिवार
- नाइलो-सहारन भाषा परिवार?
- पिद्गिन भाषा
- भारोपेली भाषा परिवार
- मोङ मियन भाषा परिवार
- याकः भाषा
- युरालिक भाषा परिवार
- ल्वाकबुक भाषा
- सांकेतिक भाषा
- अवर्गीकृत भाषा
भाय् कचाया सिमाकिपा
[सम्पादन]भाय् माचाछियात सिमाकिपा दयेकाः भाय् वंशावली ब्वयेछिं। सिमा किपायात गबलें गबलें डेन्ड्रोग्राम वा फाइलोजेनी नं धाइ। मनूतेगु वंशावलीं गथे छम्ह मनूया थःथितिलिसेया स्वापू क्यनी अथे हे सिमाकिपां छता माचाछि दुनेया भाय्तेगु स्वापू क्यनी। सिमाकिपाया खँय् आलोचना नं खनेदु। समालोचकतेसं मूकथं सिमाकचाय् कचातेगु ब्वथला सिमाकिपा दयेकिगु मापदण्डया आधारय् पाइगु व थथे मापदण्ड कथं सिमातेगु आन्तरिक संरचनाय् एकरुपता मदइगु खँय् ध्यान केन्द्रित याइ। सिमाकिपा समर्थन याइपिनिगु दथुइ नं भाय् माचाछि दुने गुगु भाषा दुथ्याकेगु धइगु खँय् सहलह जुयाच्वनि। दसुया निंतिं, शंकास्पद अल्ताइक भाय् माचाछि दुने, जापानिक व कोरियन भाषा दुथ्याके ज्यु वा मज्यु धइगु खँल्हाबल्हा थौंतक जुयाच्वंगु दु।
सिमाकिपाया पलेसा वेभ मोडेल छुं विज्ञतेसं प्रस्ताव याःगु दु । [१] थ्व मोडेलं भाषाया ताजियात पुचलय् तयेगु निंतिं आइसोग्लोस छ्यलि। सिमाकिपा स्वया ब्यागलं थुगु पुचःत ल्वाकजायेफु। सिमाकिपां पुर्खाभासं व्युत्पत्ति जुइधुंका भाषा दथुइ स्वापू मदूगु अर्थ क्यनि धाःसा वेभ मोडेलं स्वापूलि दयाच्वनिगु भाषा दथुइया अन्तरक्रियाय् बः बी, गुकिलिं भाय्तेत यचुकः म्हसीकेत तिबः बी। [१] ऐतिहासिक ग्लोटोमेट्री वेब मोडेलया छगू छ्यला ख, गुकिया अर्थ भाषिक स्वापूइ आनुवंशिक स्वापू म्हसीकेगु व मूल्यांकन यायेगु खः । [१] [२]