फ्लामेङ्को

विकिपिडिया नं
थन झासँ: navigation, मालादिसँ
छपुचः फ्लामेङ्कोमिम्येहालामि कायोनय् च्वना च्वंगु, कायोन म्ये हालिबिलय् म्येहालामिं थाइगु या।
वसःया रंगरुप।
बेलेन माया - प्रसिद्ध नर्तकी

फ्लामेङ्को म्ये, संगीत व हुलाप्याखं दूगु छगू मनोरञ्जनया विधा ख। थ्व कला स्पेनय् सिक्क प्रचलित जु व हलिमय् नांजाः। थ्व कला एन्दालुसिया, स्पेनय् बुयावःगु ख। थ्व कलाया विकासय् एन्दालुसियाया जिप्सि (रोमा)तयेसं महत्त्वपूर्ण भूमिका म्हितूगु दु।[१] 'फ्लामेङ्को' धाःगु खंग्वः दकलय् न्ह्यः १८गु शदीया उत्तरार्धय् च्वयातःगु लूगु दु, तर थ्व कला थ्व स्वया नं पुलांगु धैगु यक्व मनूतेगु विश्वास दु।

फ्लामेङ्कोय् अकोस्तिक गितारया संगीत, म्ये हालिगु, तालि थाइगु, तुति बस्वाइगु, कास्तानेत आदि छ्येलिगु या। थ्व प्याखं मिजं व मिसातेसं परम्परागत स्पेनी वसः फियाः ल्हुइगु या। थ्व प्याखंया निर्धारित मात्रा (tempo) मदु। थ्व प्याखं तःच्वलं वा बिस्तारं वनेफु, व क्वचायेस्वया न्ह्यः उत्कर्षय् (climax) थ्यनि।

फ्लामेङ्कोया रुप समयनापं विस्तारित जुया वयाच्वंगु दु। न्हापाया ईलय् (१८गु शदी तक्क), थ्व कलाय् म्ये हालिबिलय् गितार थाइगु मया। १९गु शदीइ वयातिनि म्येय् गितार दुथ्याना वल। १९गु शदीया उत्तरार्धय् वया तिनि याकः गितार फ्लामेङ्को प्रदर्शनय् थाइगु जुयावल। [२]

नोभेम्बर १६, सन् २०१० खुनु युनेस्को संस्थां फ्लामेङ्कोयात "Masterpieces of the Oral and Intangible Heritage of Humanity"या धलखय् लाकल। [३]

स्वापू दूगु पौ[सम्पादन]

लिधंसा[सम्पादन]

  1. See the 3rd definition of the term flamenco in the Dictionary of Real Academia Española.
  2. (1990) Flamenco: Gypsy Dance and Music from Andalusia, trans. Molly Comerford Peters, Portland, OR: Amadeus Press.
  3. Flamenco: Inscribed in 2010 on the UNESCO Representative List of the Intangible Cultural Heritage of Humanity: [१]

मेमेगु जाथाय्[सम्पादन]

फ्लामेङ्कोया दसुत:

  • सेलिना जाम्बोनया हुलाप्याखं [२]
  • होसे ग्रेकोया परम्परागत फ्लामेङ्को[३]
  • सारा बार्रेसया नांजाःगु सः, गितार व हुलाप्याखं [४]
गालि व ग्वालि, फ्लामेङ्कोय् छ्येलिगु या।