पोलिश भाषा

पोलिश भाषा पश्चिमी स्लाभिक पुचःया छगू भाषा खः। थ्व पुचलय् चेक, काशुबियन, स्लोभाक व लुसातियन भाषा ला। थ्व पुचः छगू इन्दो-युरोपियन परिवारया कचा खः। थ्व भाय् पोल्यान्दया आधिकारिक भाषा खः व युरोपियन संघया आधिकारिक भाषाय् छगू खः।

पोलिश भाषा वर्तमानय् दकले अप्व मनूतेसं ल्हाइगु पश्चिमी स्लाभिक भाषा खः। सकल स्लाभिक भासय् थ्व भाषा रुसी भाषा धुंका दकले अप्व मनूतेसं ल्हाइगु स्लाभिक भाषा खः। हलिमय् थ्व भाय् मांभाय्या रुपं ल्हाइपिनिगु ल्या थ्यं-मथ्यं ४४ मिलियन दु। वर्तमानय् थ्व भाय् पोल्यान्दया मू भाषा जुयाच्वंगु दु। नापं पोलिश मनूत च्वनिगु मेमेगु देसय् नं थ्व भाय् ल्हाइगु या (दसु: संरा अमेरिकाया शिकागो)।

थ्व भाषा प्रोतो-स्लाभिकं प्रोतो-इन्दो-युरोपियन भाषाया मूलं वःगु खः। मू स्लाभ भासय् थ्व भाय् स्लोभाक व चेक भाय् नाप नापंया स्वापू दु। थ्व भाय्या युक्रेनी भाय् नाप दीर्घकालीन स्वापूया कारणं थ्व भाय्या छुं संरचनाय् युक्रेनी भाषाया पह वः। पोलिश भासय् जर्मनिक भाषात, विशेष रूपं जर्मन व यिडिश, व लातिन व फ्रेञ्च थें न्याःगु रोमान्स/इतालियन भाषाया यक्व प्रभाव दु। थ्व भासातेसं पोलिश शब्दावली व व्याकरणय् यक्व प्रभाव त्वतूगु दु। ऐतिहासिक रूपं, पोलिश मध्य व पूर्वी यूरोपीय क्षेत्रय् छगू महत्वपूर्ण भाषा जुयाच्वन, गुकिया शिक्षा व राजनीतिइ यक्व महत्व दूगु खनेदु।