पात्र

पात्र (Character) धैगु छुं नं बाखँ, नाटक, संकिपा, वा काल्पनिक हलिमय् ब्वति काइम्ह व्यक्ति वा प्राणी खः। साहित्य व कलाय् पात्रं हे घटनायात न्ह्यःने यङ्की व ब्वनामि वा स्वकुमिनाप भावनात्मक स्वापू दयेकी।

पात्रया साधारण ताजि

बाखँय् वइगु भूमिका कथं पात्रतय्त थी-थी पुचलय् बायेफु:

• उद्घोषक (Point-of-view character): बाखँ कनिम्ह पात्र। थ्व पात्रया दृष्टिं पाठक/दर्शकं बाखँ ब्वनि/खनि
• मू पात्र (Protagonist): थ्व बाखँया दकलय् महत्त्वपूर्ण पात्र खः, गुकियात झीसं "नायक" वा "नायिका" धकाः नं म्हसीके। बाखँया फुक्कं घटना थ्व हे पात्रया यात्रा व विकासया जःखः चाःहिलाच्वनी।
• प्रतिपक्षी पात्र (Antagonist): थ्व पात्रं मू पात्रया लँपुइ पङ्गः थनी वा विरोध याइ। थुकियात "खलनायक" (Villain) धकाः नं म्हसीकेफु, तर थ्व खँ बाखँया प्रकृति कथं जुइ।
• ग्वहालि पात्र (Supporting Character): थ्व पात्रतय्सं मू पात्रया जीवनय् ग्वाहालि याइ वा बाखँया वातावरणयात झन स्पष्ट दयेकी।
• स्थिर पात्र (Flat): गुगु पात्र बाखँया सुरु निसें अन्त्य तक छगू हे स्वभावया जुइ।
• गतिशील पात्र (Round): गुगु पात्र बाखँया घटनाक्रम नापं हिला वनी व अनुभवं सीकी।
• परास्त पात्र (Foil): मू पात्रया व्यक्तित्त्व वा गुण ब्वयेत छ्येलीगु पात्र। थ्व पात्र मू पात्रनाप धेधेबल्ला यासें बुइम्ह पात्र ख।

पात्र चित्रण

च्वमिं पात्रयात म्हसीकेत निगू लँपु छ्येली:

प्रत्यक्ष चित्रण (Direct): च्वमिं पात्र गथे च्वं वा वया स्वभाव गुकथंया खः धकाः स्पष्ट च्वइ।

अप्रत्यक्ष चित्रण (Indirect): पात्रया खँल्हाइगु पहः, ज्या, व मेमेपिं पात्रतय्सं वया बारे छु धाः धइगु खँ पाखें पाठकं पात्र थुइकी।

समाज व संस्कृतिइ पात्र

पात्रतय्सं झीगु समाजया छुं पक्षयात प्रतिनिधित्व यानाच्वंगु दइ। नेवाः परम्परागत प्याखं (दसु: लाखे प्याखं, अष्टमातृका प्याखं) य् नं थी-थी 'पात्र' दइ, गुमिगु थः-थःगु विशेष अर्थ व भूमिका दइ।