नेवाः तजिलजि

विकिपिडिया नं
Jump to navigation Jump to search
नेवाः वसः फिनाच्वंम्ह मिसा, १९-२०गू शदी

नेवाः तजिलजि नेपाःया छगू मू तजिलजि ख। थ्व तजिलजि ऐतिहासिक नेपालमन्दलय् बुयावःगु व लानाच्वंगु तजिलजि ख। थ्व तजिलजि हनिपिं मनूतयेत नेवाः धाइ। थ्व तजिलजिया छुं खँ थ्व कथं दु-

  • धर्म: नेवा तजिलजिइ धर्मया यक्व प्रभाव दु। थ्व तजिलजिइ देगः, विहार व धार्मिक प्रतिष्ठानतयेगु तःधंगु महत्त्व दु। थ्व तजिलजिया दकलय् तःधंगु भवनत दक्वं द्यःतयेत देछाना तःगु खँ नं थ्व खंयात थुइकेत ग्वहालि याइ। थ्व तजिलजिइ वर्तमान ईलय् हिन्दू व बुद्ध धर्मया यक्व प्रभाव खनेदु। ऐतिहासिक रुपय् थ्व तजिलजिइ ख्रिस्ति, मुस्मां व किरात धर्मया नं प्रभाव दयाच्वंगु दसिंत दु। धार्मिक सहिष्णुता व धार्मिक मेलमिलाप थ्व तजिलजिया छगू मू थां ख। हिन्दूतेगु देगलय् बुद्ध धर्म व बुद्ध धर्मया प्रतिष्ठानय् हिन्दू द्यःत थाय्‌थासय् खनेदु।
  • नखः व जात्रा: थ्व तजिलजिइ यक्व नखः-चखः दु। आपालं नखःत चन्द्रमासय् आधारित नेपालसम्बतया तिथि कथं हनिगु या। थन्यागु नखः धार्मिक (मोहनि) , ज्या विशेष (यःमरी पुन्हि), ऋतु (संक्रान्ति), जातीय (थी-थी गुथिया पुजा, पायः), थाय्‌ आदिया आधारय् बायेछिं। छुं नांजाःगु नखः व जात्राय् पाहांचह्रे, सिथिनखः, येंया, जनमाद्यःया जात्रा, बुंगद्यःया जात्रा, बिस्का जात्रा, चण्डेश्वरी जात्रा, गुंला आदि ला।
  • तजिलजिया पात्र: नेवाः तजिलजिइ थी-थी दैवी, काल्पनिक, प्रामाणिक अतिरञ्जित, प्रमाण मलूगु आदि पात्रत दु। थ्व पात्रतेसं नेवाः तजिलजि व नेवाः मनस्थितिइ यक्व प्रभाव दयेकातःगु दु। थी-थी प्राकृतिक, अप्राकृतिक, काल्पनिक व जीवनोत्थाननाप स्वापू दूगु व प्रकृतिनाप नेवाःतेगु अन्तरक्रिया क्यनिगु थन्यागु पात्र नेवाः संस्कार, संस्कृति व सभ्यताया छगू अभिन्न अंग ख।
  • संगीतबाजं: नेवाः संगीत धाःगु नेवाः लहनाय् विकशित जूगु, नेवाः लहनां नालाः काःगु व नेवाः लहनां प्रभाव याःगु संगीत ख। थ्व संगीतय् थी-थी कथंया विधात दु। दाफा संगीत व चर्या गीति नेवाः संगीतया शास्त्रीय संगीत ख। नापं, मेमेगु लोक संगीत, आधुनिक संगीत, पाश्चात्य संगीत नं नेवाः संगीतय् खंगु दु।
  • नेवाः वसः व तिसा
  • नेवाः नसा
  • गुथि प्रथा
  • नेवाः इकाइ
  • नेवाः कासा

स्वयादिसँ[सम्पादन]