धर्मपाल

Somapura Mahavihara

Dharmapala
Pala Empire with its neighbours
Reign	8th century
Predecessor	Gopala
Successor	Devapala
Spouse	Rannadevi (Rashtrakuta princess)
Dynasty	Pala
Father	Gopala
Religion	Buddhism

धर्मपाल भारतयागु पाल राजवंशयागु छम्ह जुजु खः।

धर्मपाल व बुद्धधर्म

सोमपुर महाविहार भारतीय उपमहाद्वीपया दकलय् तःधंगु बौद्ध विहार खः गुकियात धर्मपालं बंगलादेशया नाओगांव जिल्लाय् दयेकूगु खः ; थ्व १९८५ स विश्व सम्पदा स्थल जुल ।

धर्मपाल बुद्ध धर्मया महान संरक्षक खः। वय्कलं नालन्दा विश्वविद्यालययात २०० गां अनुदान बियाः पुनर्जीवित यात। वय्कलं विक्रमशिला विहारया पलिस्था यानादिल गुगु लिपा बुद्ध धर्मया छगू तःधंगु शिक्षा केन्द्रया रुपय् विकास जुल । विक्रमशिलाय् करिब १०० प्राध्यापक दुगु खः, व ६ म्ह दुजः दुगु शासकीय निकायं व्यवस्थापन याःगु खः। विक्रमशीला विश्वविद्यालयलिसे स्वापू दूगु दकलय् प्रसिद्ध नामय् तिब्बतय् तसकं सम्मानित बौद्ध विद्वान अतिशया नां नं दुथ्याः। थ्व विहारया छम्ह रेक्टर तर्कशास्त्री रत्नकीर्शान्तियात सिलोनय् यंकूगु ख। धर्मपालया शासनकालय् बुद्धगुप्त थ्व महाविहारया नायः जुयादिल या। धर्मपालं बंगलादेशया नाओगांव जिल्लाया पहारपुरय् महान सोमपुरा महाविहार दयेकादिल । तारानाथं ५० गू धार्मिक संस्था स्थापना यायेगु व बौद्ध च्वमि हरिभद्रयात संरक्षण यायेगु श्रेय नं वय्कःयात बियादीगु दु। बुतोन रिन्चेन ड्रूबं उद्दन्दपुरा ( ओदन्तपुरी )य् विहार दयेकेगु श्रेय धर्मपालयात बियादिल, यद्यपि मेमेगु तिब्बती विवरण गथेकि तारानाथया विवरणय् थ्व विहार जादुइ कथं दयेकूगु व अनंलि देवपालयात लःल्हाःगु धयातःगु दु।