Jump to content

द्रेक प्यासेज

विकिपिडिया नं
द्रेक प्यासेजया सीमा A, B, C, D व F खः। थ्व सीमा चिलि व अर्जेन्तिना दथुइ १९८४स जूगु शान्ति व मैत्री सन्धि कथं खः।
द्रेक प्यासेजय् पर्यटकीय लःखः ।
प्यासेजया गाः/जाः सलिनिति व तहया तापक्रम नापं

द्रेक प्यासेज (Drake Passage) दक्षिण अमेरिकाया केप हर्न, चिली, अर्जेन्टिना, व अन्तार्क्तिकाया साउथ शेतल्यान्द द्विपतेगु दथुइ दूगु समुद्री मार्ग खः। थ्व मार्गं एत्लान्तिक महासागरया दक्षिणपश्चिम भाग (स्कतिया समुद्र) व प्रशान्त महासागरया दक्षिणपूर्व भाग स्वाइ, नापं थ्व मार्ग दक्षिणी महासागर तक थ्यं । थ्व मार्गया नां १६गू शताब्दीया इंग्लिस अन्वेषक सर फ्रान्सिस द्रेकया नामं तःगु खः ।

द्रेक प्यासेजयात हलिंया हे दकले जोखिमपूर्ण लःखःया मार्ग धकाः म्हसीकिगु या। थ्व मार्ग दूगु अक्षांशया लःबाहाःयात छुं नं बँ/भूमिं प्रतिरोध मयाइगुलिं थनया लःया तरङ्ग ४० फिट (१२ मिटर) तक थ्यं। थथे तःजाःगु तरङ्ग छगू हे थासय् मुना च्वनिगुलिं थ्व मार्गयात "समुद्रया दकले बल्लाःगु एकाग्र क्षेत्र" धका नं म्हसीकिगु या।[१]

द्रेक प्यासेज एन्तार्क्तिका आसपासया क्षेत्रया दकले चिब्याःगु मार्ग (चोक प्वाइन्ट) जूगुलिं, थ्व मार्गया अस्तित्वं अन्तार्कतिकाया लःया बहावयात तसकं प्रभाव याइ। थ्व हे कारणं थ्व मार्गं हलिंया महासागरीय बाहाः व हलिंया जलवायुइ तसकं प्रभाव याइ। द्रेक प्यासेजया ब्याथिमेट्रीं हलिंया महासागरीय लःया समिश्रणय् महत्वपूर्ण भूमिका म्हिति।

इतिहास[सम्पादन]

सन् १५२५य् स्पेनिसया नाविक फ्रान्सिस्को दे होसेसं मागेलान जलसन्धिया द्वारं दक्षिण पाखे यात्रा यासें लुइकादिगु खः। थ्व हे कारणं, स्पेनिस मानकिपा व स्रोतय् द्रेक प्यासेजयात मार दे होसेज (Mar de Hoces) धकाः म्हसीकातःगु दु। स्पेन त्वताः स्पेनी भाय् ल्हाइगू मेमेगु देसय् धाःसा आपालं हे थ्व मार्गयात पासाखे दे द्रेक (Pasaje De Drake) (अर्जेन्टिनाय्), व चिलिइ पासो द्राको (Paso Draco) वा मार दे द्रेक (Mar de Drake) ("द्रेकया समुद्र") धकाः म्हसीकिगु या।

द्रेक मार्गया अंग्रेजी नां सर फ्रान्सिस द्रेकया आक्रामक अभियानया झ्वलय् बूगु खः। सन् १५७८य् वय्कलं थःगु लःखःत (मेरिगोल्द, एलिजाबेथ, व गोल्देन हाइन्द) म्यागालेन जलसन्धि पुलाः प्रशान्त महासागरय् थ्यनादिल। अन थ्यंवं हे वय्कःया लःखःत समुद्री आंधीइ बांमलाकः थातः। मेरिगोल्स थ्व आंधीया दथुइ लखय् हे तनः व इलिजाबेथं धाःसा थःगु मार्ग त्वतलः। द्रेकया गोल्देन हाइन्द जक थ्व प्यासेजय् थ्यन।[२] थथे थ्व मार्गय् थ्यनेधुंका अंग्रेजतेसं दक्षिण अमेरिकाया दक्षिणय् चकं लः दूगु खँ सीकल [३]

सन् १६१६स दच नाविक विलेम स्काउतेनं दकले न्हापां केप हर्न चाःहिलाः द्रेक प्यासेजं लःखः यंकादिल।[४]

सन् २०१९या दिसेम्बर २५स, छगू पुचलं इतिहासय् दकले प्रथम सफलतापूर्वक नाउय् रो यासें थ्व प्यासेज पार यातः।[५] थ्व उपलब्धि सन् २०२०या द इम्पोसबल रो (The Impossible Row) नामक छगू वृतचित्रया विषय जूगु दु ।[६]

भूगोल[सम्पादन]

द्रेक प्यासेज एन्तार्कतिका दक्षिण अमेरिकां प्लेत तेक्अतोनिकया कारणं अलग जूगु बिले दयावःगु खः। तर, थ्व निता महादेश गबले बायावन धैगु विषयय् बहस जुयाच्वंगु दु। विज्ञतेगु अनुमान कथं ४९ निसें १७ मिलियन दँ न्ह्यः (Ma)या ईलय् थथे जूगु खः ।[७][८]

थ्व मार्गय् वैगु महासागरयीय लहर, अंतार्कतिक सर्कमपोलार करेन्त (ACC) व अन्य गाःवंगु प्रवाहतेसं हलिंया महासागर प्रभावित या। थ्व मार्गं हलिंया लःया सर्कुलेसन व जलवायुइ प्रत्यक्ष प्रभाव दयेकी। नापं, एन्तार्क्तिकाया प्यखें महासागरीय बहाव दयाच्वंगुलिं एन्तार्क्तिकाया च्वापु-ल्वहँया तीव्र गतिं बिस्तार नं याकी।

किपा[सम्पादन]

स्वयादिसँ[सम्पादन]

लिधंसा[सम्पादन]

  1. 6 men become 1st to cross perilous Drake Passage unassisted (2019-12-28).
  2. Sir Francis Drake.
  3. (2019) "Entre el mito y la realidad. La situación de la misteriosa Isla Elizabeth de Francis Drake" (in Spanish). Magallania 47 (1): 5–14. DOI:10.4067/S0718-22442019000100005. 
  4. (2005) Historical dictionary of the discovery and exploration of the Pacific islands. Lanham, Md.: Scarecrow Press.
  5. Error on call to Template:cite web: Parameters url and title must be specified. Guinness World Records (2019-12-27).
  6. Error on call to Template:cite web: Parameters url and title must be specified (17 January 2020).
  7. (21 April 2006) "Timing and Climatic Consequences of the Opening of Drake Passage". Science 312 (5772): 428–430. DOI:10.1126/science.1120044. PMID 16627741. 
  8. (April 2021) "Subduction initiation in the Scotia Sea region and opening of the Drake Passage: When and why?". Earth-Science Reviews 215: 103551. DOI:10.1016/j.earscirev.2021.103551.