डूंगरपुर जिल्ला

डूंगरपुर जिल्ला भारतया राजस्थान राज्यया छगू जिल्ला ख।

भूगोल व लःफय्

डुंगरपुर जिल्ला दक्षिणी राजस्थानय् गुजरातया सीमाय् ला। थ्व जिल्लाया क्षेत्रफल ३७७०  किमि ^२ दु व २०११स जनसंख्या १,३८८,९०६ दु। थ्व जिल्ला स्वकुंलाःगु दु। माही खुसिं जिल्लाया दक्षिणपूर्वी सिथय् बांसवरा जिल्लाया सीमा दयेकी । माहीया छगू कचा खुसि सोम खुसि थ्व जिल्लाया उत्तरी सिथय् वनि, गुकिलिं उदयपुर जिल्लाया आपालं सीमा दयेकि। थ्व जिल्लाया दक्षिण पूर्वय् गुजरात राज्यया सबरकण्ठा, पंचमहल व दाहोड जिल्लातेगु सीमाय् ला। वत्रक खुसिया उत्पत्ति डुंगरपुर जिल्लां जुइ।

थ्व जिल्लाय् अप्रिल निसें जुन तक्क तांन्वःगु सुख्खा मौसम जुइ; अथे जुसां उत्तर व पश्चिमय् राजस्थानया मरुभूमि क्षेत्र स्वया तापमान म्हो दु। थ्व जिल्लाय् दकलय् अप्व तापक्रम तांन्वःगु मौसमय् जुइ व ४० निसें ४५ °से या दथुइ जुइ। दकलय् म्ह्व तापक्रम १० निसें १२ डिग्री सेल्सियसया दथुइ जुइ व अप्वः धया थें जनवरिइ जुइ । जुननिसें सेप्टेम्बरतकया मनसुनया मौसमय् जिल्लाया अप्वः थासय् वा वइ, तर नोभेम्बरनिसें फेब्रुअरीतक छुं भचा वा वयेफु । जिल्लाय् दच्छिया वा वइगु उत्तर पश्चिमया डुंगरपुर नगरय् ८८० मिमि निसें उत्तरपूर्व निथावाय् ५००  मि.मी. स्वयां म्हो दु।

प्रशासनिक विभाजन

थ्व जिल्लाया तहसील व ग्रामीण जनसंख्या थ्व कथं दु-

राज्य कोद	जिल्ला कोद	तहसील कोद	प्रशासनिक इकाइ	राज्य/जिल्ला	तहसील	सकल गां	ग्रामीण जनसंख्या	सकल ग्रामीण मिजं	सकल ग्रामीण मिसा
८	०	०	राज्य	राजस्थान		४३२६४	५१५००३५२	२६६४१७४७	२४८५८६०५
८	१२४	०	जिल्ला	डूंगरपुर		९७२	१२९९८०९	६५१०४६	६४८७६३
८	१२४	६४६	तहसील		डूंगरपुर	३०५	४४७७१७	२२४८४१	२२२८७६
८	१२४	६४७	तहसील		आसपुर	१७१	२२४२४३	११२४२२	१११८२१
८	१२४	६४८	तहसील		सागवाड़ा	२४४	३०९०८६	१५२६२२	१५६४६४
८	१२४	६४९	तहसील		सिमलवाड़ा	२५२	३१८७६३	१६११६१	१५७६०२

स्वयादिसँ

• राजस्थान
• राजस्थानया जिल्ला