डु द बार्टम्यान

Michael Jackson

डु द बार्टम्यान सन् १९९०या एल्बम द सिम्पसन सिंग द ब्लुजया छपु म्ये ख, गुकिलि अमेरिकी एनिमेटेड टेलिभिजन झ्वः द सिम्पसनया भ्वाइस कास्ट दुथ्याःगु दु। थ्व म्ये द सिम्पसनया कलाकार न्यान्सी कार्टराइटं (बार्ट सिम्पसनया सः) न्ह्यब्वःगु खः, अमेरिकी गायक माइकल ज्याक्सनया ब्याकिंग भोकललिसें डन क्यास्टेलानेटा (होमर सिम्पसनया सः)या तंसा भोकल नं न्ह्यब्वःगु दु। ज्याक्सनं थ्व म्येया निर्माण नं यात, गुकियात अमेरिकी रेकर्डिङ कलाकार ब्रायन लोरेनं च्वयादिल व गेफेन रेकर्ड्सं सन् १९९० नोभेम्बर २० खुनु थ्व म्येयात छगू हे सिंगल कथं पिथंगु ख।

संयुक्त राज्य अमेरिकाय् यक्व रेडियो एयरप्ले प्राप्त जूसां नं "डु द बार्टम्यान" अन गबलें नं आधिकारिक रुपं छगू सिङ्गलया रुपय् पिहां मवः । अष्ट्रेलिया, आयरल्याण्ड, न्युजिल्याण्ड, नर्वे व बेलायतया चार्टय् थ्व म्ये शीर्ष थासय् लाःगु खः। थ्व म्ये थप बेल्जियम, डेनमार्क, फिनल्याण्ड, नेदरल्याण्ड्स, स्पेन, व स्वीडेनया टप १० य् थ्यन। सन् १९९१ य् ब्र्याड बर्डं निर्देशन याःगु थ्व म्येया निंतिं छगू म्यूजिक भिडियो पिहांवल, थ्व म्ये अमेरिकी नेटवर्क एमटीभीइ हिट जुल, व सन् १९९१ य् एमटीभी भिडियो म्युजिक अवार्डय् नोमिनेशन प्राप्त जुल।