जुडो

Jigoro Kano

Eisho-ji temple, Tokyo

Template:Nihongo3, written in kanji

जुदो बाय् जुडो (जापानी भासय् 柔道) छगू आधुनिक जापानी मार्शल आर्ट व ओलम्पिक कासा ख। थ्व सन् १८८२इ जिगोरो कानो नं दयेकल। जुडो थौंकन्हय् हलिमय् दकलय् अन्तर्राष्ट्रिय रुपं प्रतिस्पर्धा जुइगु ज्याकेट रेस्लिङया रुप खः । "जुदो" खँग्वःया अर्थ "भद्र लँपु" (Gentle Way) खः। जुदो "ज्युजित्सु" (Jujutsu) पाखें विकास जूगु खः, तर कानों थुकिलि दुगु खतरनाक प्रविधित लिकानाः थुकियात सुरक्षित कासा व शिक्षाया माध्यम दयेकादिल। जुदोया मू उद्देश्य प्रतिद्वन्द्वीयात "बुइका वांछ्वइगु" (Throw), बँय् "पिन" (Pin) यायेगु, वा "जोइन्त लक" (Joint lock) व "चोक" (Choke) यानाः हार माने याकेगु खः। जुदोय् प्रहार (Striking) यायेगु अनुमति मदु। जुदोया मू सिद्धान्त "सेइर्योकु जेन्'यो" (Seiryoku Zen'yo - अधिकतम दक्षता) व "जिता क्योएइ" (Jita Kyoei - मंकाः कल्याण) खः। अर्थात, थःगु शक्तियात पाय्छि थासय् छ्यलेगु व सकसिगु भलाइ यायेगु। जुदो कासालिमिपिसं "जुदोगी" (Judogi) नांयागु तःफिगु वसः पुनी। जुदो सन् १९६४ निसें ओलम्पिक कासाय् दुथ्याःगु खः। जुदोय् अभ्यास याइपिंत "जुदोका" (Judoka) धाइ। थुकिलि "रान्दोरी" (Randori - स्वतन्त्र अभ्यास) व "काता" (Kata) या अभ्यास जुइ। जुदोया "दान" (Dan) प्रणाली वा "ब्ल्याक बेल्त" हलिम न्यंकं मार्सल आर्तय् बेल्त प्रणालीया स्रोत खः। जुदोय् प्रतिद्वन्द्वीयात "इप्पोन" (Ippon - पूर्ण अंक) कयाः त्याकेगु दकलय् बांलाःगु पहः खः। नेपालय् जुदो कासा तसकं सक्रिय दु व दक्षिण एसियाली कासाय् नेपालं बांलाःगु प्रदर्शन याना वयाच्वंगु दु।

जुडो पुलांगु मार्शल आर्ट, जुजुत्सु वा जु-जुत्सुं ब्वलंगु जुसां थःगु प्रशिक्षण विधि व ल्वापु प्रविधिइ तसकं वैज्ञानिक दु। जुजुत्सु छगू प्राचीन व घातक मार्शल आर्ट ख गुकिलि चोक, थ्रो, जोइन्ट लक, व स्ट्राइकयात छ्येलिगु या। जुजुत्सुया साधारण प्रविधि छ्यलाः कानों जुडो दयेकादिल । वय्कलं जुडो सयेकेगु झ्वलय् ग्यानापुगु छुं प्रविधियात जुडों लिकाना छ्वल, गुकिं यानाः ब्वनामितय् प्रतिरोधात्मक पहः सयेका कायेफत। छुं आधारभूत मुक्काय् ताइ-ओतोशी व दे-आशी-बराई ला। थुपिं जापानी भासं वःगु खँग्वः ख। जुडोय् निताजिया पद्धति दु : ग्राउन्डवर्क व फुटवर्क । निम्हं कासामित ख्यलय् दइबलय् ग्राउन्ड वर्क जुइ। सामान्यतया आक्रमणकारी च्वय् जुइगु व उके वा रक्षक क्वय् जुइगु या । फुटवर्क वा तुति ज्याय् निम्हं कासामिपिं थीथी चालय् म्याटया नापं न्ह्याः वनी। छकः छकः छम्ह कासामिं थः प्रतिद्वन्दियात बँय् वांछ्वइ। धेंधेंबल्लाः कासाय् कासामिपिं थःथवय् पूर्ण रुपं न्ह्याः वनी। छक्वः सुनां थः प्रतिद्वन्द्वीयात क्वय् वांछ्वयेधुंकाः २० सेकेन्द तक क्वयां-क्वय् तयेमाः मखुसा ल्याः ल्याःखाइ मखु। दकलय् अप्वः ल्याः दुम्ह मनुखं लुँ, वहः बाय् कास्य पदक त्याकी।

जुदोया मू प्रविधि (Techniques)

नां	अर्थ	लिखँ
नागे वाजा (Nage-waza)	वांछ्वयेगु पहः (Throwing techniques)	प्रतिद्वन्द्वीयात बुइका छ्वइगु कला। दसु: सेओइ नागे (Shoulder throw)।
कातामे वाजा (Katame-waza)	ज्वनिगु पहः (Grappling techniques)	बँय् ल्वाइगु कला। थुकिलि पिन, चोक, व आर्म-लक ला।
आतेमी वाजा (Atemi-waza)	थ्वायेगु पहः (Striking techniques)	प्रहार यायेगु कला (केवल काताय् जक छ्यली, कासाय् बन्देज)।

स्वयादिसँ

• कासा
• मार्शल आर्ट