छेँ

विकिपिडिया नं
सालिनास, क्यालिफोर्निया,युएसय् र्याञ्च शैलीया छेँ


मनु च्वनिगु थाय्यात छेँ धाइ । आपालं छखा छेँय् छगू परिवार च्वनिगु याइ । छेँया दुने मनु च्वयेयात थीथी क्वथा, स्वहाने, लबः, कःसि, बरन्दा, बाल्दरी आदि थाय् दइ । छेँया नापं क्यबः नं दयेफु । छेँया दुने द्यनिगु, बैथक, चःबि, भुतु, नयेगुक्वथा, स्वथनिगु क्वथा आदि क्वथा दयाच्वनि।

नेवाः छेँ[सम्पादन]

नेवाः छेँय् छेली, मातं, च्वतः व बइगः दइगु या । छेँ अपा, सिं बज्र, चा आदि छ्यला दयेकिगु जुइ। छेँया अंगःया ब्याः १-३ फित तक्क जुइ । थीथीकथंया झ्याः, तिकिझ्याः, संझ्या आदि छ्यलातःगु जुइ । गजू व च्वलामू (Spire) नं तयेगु या ।

थीथी कथंया छेँ[सम्पादन]

  • आखाछें: दबूलि प्याखं क्यनेस्वया न्ह्यः बुल्हाइगु छें
  • गुथिछें
  • इखाछेँ: हाकः लूगु छेँ

छेँया कुचा[सम्पादन]

क्वथा[सम्पादन]

छता छेंय् थी-थी कथंया क्वथा दै। छुं दसु थ्व कथं दु-

  • आखाक्वथा: प्याखं क्यनेस्वया न्ह्यः बुल्हाइगु वा समा याइगु क्वथा
  • आगं: दुने लाःगु याकःचा च्वनिगु क्वथा
  • च्वनेक्वथा (Living room)
  • देनेक्वथा (Bedroom)
  • बनय्‌क्वथा
  • ब्वनेक्वथा (Study)
  • स्वनेक्वथा
  • बैथकक्वथा
  • खुपि/ख्वपि/दुनेक्वथा

केब[सम्पादन]

तरकारी, स्वां आदि पिनातःगु छें नापंया बुंयात केब धाइ। केँब्वः (Kitchen garden) थुकिया हे छगू रुप ख।

स्वाने[सम्पादन]

जा पागु निता बंयात स्वाना पालूगु सतहय् मनु न्यासेवने छिंकः तकिं तया दयेकातःगु भःयात स्वाने धाइ। स्वानेय् तुति दिकेगु त्वाथःयात स्वानेपउ धाइ धाःसा ल्हा दिकेत वा ज्वनेत दयेकातःगु थाःचायात स्वानेबाः धाइ। [१] स्वाने थी-थी कथंया जुइफु। छुं स्वाने थ्व कथं दु-

  • कुताः स्वाने: दकलय् आधारभूत स्वाने, ह्वः दूगु स्वाने (Ladder)
  • कू स्वाने (कुचा स्वाने)

लिधंसा[सम्पादन]

  1. सफू: नेवार-नेपाली-अंग्रेजी शब्दकोश, पिथनामि: नेपाल राजकीय प्रज्ञा प्रतिष्ठान, निर्देशक: कृष्णचन्द्रसिंह प्रधान, सम्पादकः इश्वरानन्द श्रेष्ठाचार्य

स्वयादिसँ[सम्पादन]