अपा

नेपाललिपि परिक्षण: 𑐠𑑂𑐰 𑐥𑑁𑐫𑐵 𑐣𑐾𑐥𑐵𑐮𑐮𑐶𑐥𑐶𑐂 𑐥𑐬𑐶𑐎𑑂𑐲𑐞 𑐥𑑁 𑐧𑑂𑐰𑐣𑐾𑐟: अपा 𑐟𑐶𑐫𑐵𑐡𑐶𑐳𑑄𑑋

अपा छपा मनुं दयेकूगु दनिगु वस्तु ख गुकिलिं अंगः व न्यासिवनिगु थाय् दयेकी। अपा चा छ्येला दयेकी। अपाया आकार कि थासाय् दयेकी कि मखुसा तारंचाना दयेकी व उकिया लिउ अवाःय् छुइ। अपाया रंग अपा दयेकेत छ्यलाच्वंगु चाय् आधारित जुइ। दकःमितयेसं अपाया अंगः दनि। इमिसं अपातयेत मोर्टार छ्येला स्वाइ। अपातयेत थीथी ताय् स्वायेछिं। दकले हलं तायात "रनिङ्ग बंद" धाइ। अपाया छ पंयात अंग्रेजीइ कोर्स धाइ। छपा जक्क अपाया ब्या दूगु अंगःयात विथ धाइ। छेँ स्वया पिने बुँइ लायेगु अपायात "पेभरस्" धाइ।

इतिहास

दकले पुलांगु आकार दूगु अपाया तिथि 7500 ई.पू. थ्यं। थ्व अपा Çayönü धाःगु थं टिग्रिसय् दक्षिण पूर्व एनातोलियाय् दियारबकिर (Diyarbakir)नापं लूगु ख। न्हुगु अपा, करिब 7000 व 6395 ईसा पूर्व तिथिया दथुइया इया, जेरिको व Catal Hüyükय् लुत। छुनातःगु अपा (न्हापाया सूर्द्यः जः छ्येला दयेकातःगु अपा स्वया पाःगु)या आविष्कार मध्य पूर्वय् ३गु सहस्राब्दी ई.पू.स जूगु विश्वास दु। छुना अपा ख्वांगु व न्हसिगु अवस्थाया प्रतिरोध यायेफु। छुया अपां विषम मौसमं चाया छेँ दयेकेमफूगु थासय् नं थातं छेँ दयेके छिंकल।